మలవిసర్జన సాఫీగా జరగాలంటే ఈ ఫుడ్స్ తినడం మానేయండి

బిజీ లైఫ్‌స్టైల్ కారణంగా మలబద్ధక సమస్య చాలా మందిని వేధిస్తుంది. ప్రస్తుత బిజీ లైఫ్ స్టైల్, అనారోగ్యకర ఆహార అలవాట్లతో చాలా మంది మలబద్ధక సమస్యతో బాధపడుతున్నారు. మలం విసర్జించేటప్పుడు తీవ్ర నొప్పితో పాటు ఇబ్బందికర పరిస్థితులు ఉంటే దాన్ని మలబద్ధకం అంటారు. మలబద్ధక సమస్య ఉంటే ఫ్రీ మోషన్ రాదు. వీళ్లు వారానికి ఒకటి రెండు మాత్రమే మల విసర్జనకి వెళ్తారు. మలం విసర్జించేటప్పుడు వీళ్లు తీవ్ర నొప్పికి గురవుతారు.

తినే తిండి వల్లే అసలు సమస్య

మలబద్ధకం తగ్గాలంటే ఫైబర్ రిచ్ ఫుడ్స్ తినాలని నిపుణులు చెబుతున్నారు. అయితే, కొన్ని ఆహారాలు తింటే మలబద్ధక సమస్య తీవ్రమవుతుందని హెల్త్ లైన్ నివేదిక చెబుతుంది. ఆ నివేదిక ప్రకారం కొన్ని ఆహారాలు తింటే మలబద్ధకంతో పాటు జీర్ణ సమస్యలు వస్తాయి. మలబద్ధక సమస్యను పెంచే ఆ ఫుడ్స్ ఏంటో ఇప్పుడు తెలుసుకుందాం.

ప్రాసెస్ చేసిన ఫుడ్

ఈ రోజుల్లో చాలా మంది బయట తినడం అలవాటు చేసుకున్నారు. ఫాస్ట్ ఫుడ్స్, ఫ్రైడ్ ఫుడ్స్ తింటున్నారు. ఈ ప్రాసెస్ చేసిన ఆహారాలలో పోషకాలు తక్కువగా ఉంటాయి. కొవ్వు అధికంగా ఉంటుంది. వీటిలో ఉప్పు కూడా అధికంగా ఉంటుంది. ఈ పుడ్స్ తినడం వల్ల జీర్ణవ్యవస్థ మందగిస్తుంది. దీంతో మలబద్ధక సమస్య వస్తుందని నిపుణులు అంటున్నారు. ఈ ఆహారాలను నివారిస్తే.. ఆరోగ్యానికి మేలు జరుగుతుంది.

చిప్స్, వేయించిన ఆహారాలు

బంగాళాదుంప చిప్స్, ఫ్రెంచ్ ఫ్రైస్, వేయించిన ఆహారాలు తినడానికి రుచిగా ఉంటాయి. కానీ, ఈ ఆహారాల్లోలో కొవ్వు అధికంగా, ఫైబర్‌ తక్కువగా ఉంటుంది. కొవ్వు అధికంగా ఉన్న ఆహారాలు జీర్ణక్రియను నెమ్మదించేలా చేస్తాయి. ఈ ఫుడ్స్‌లో ఎలాంటి పోషకాలు ఉండవు. చిప్స్‌ ఎక్కువగా తింటే.. మలబద్ధకం సమస్య వచ్చే అవకాశం ఉంది. వీటికి బదులుగా ఫైబర్‌ రిచ్‌ ఫుడ్స్‌, తాజా కూరగాయలు, పండ్లు తినండి.

ఆల్కహాల్ తాగడం

మద్యపానం కూడా ఆరోగ్యానికి చాలా డేంజర్. ఈ రోజుల్లో మద్యపానానికి బానిసలయ్యారు. చిన్న, పెద్ద తేడా లేకుండా చాలా మంది ఆల్కహాల్ సేవిస్తున్నారు. దీంతో.. అనేక వ్యాధుల ముప్పు వీరికి ఉంటుంది. ఆల్కహాల్ తీసుకునే వ్యక్తులకు మలబద్ధక సమస్య వచ్చే ముప్పు ఉంది. ఆల్కహాల్ తీసుకునే వ్యక్తుల్లో మలబద్ధకం మాత్రమే కాదు.. గుండె సంబంధిత వ్యాధులు, కాలేయ వైఫల్యం, పక్షవాతం, మానసిక వ్యాధులు వచ్చే ప్రమాదముందని నిపుణులు చెబుతున్నారు.

డైయిరీ ప్రొడక్ట్స్

పాలు, చీజ్‌, పెరుగు, ఐస్‌ క్రీం వంటి డైయిరీ ఉత్పత్తులు ఎక్కువగా తీసుకుంటే మలబద్ధకం వచ్చే అవకాశం ఉందని నిపుణులు చెబుతున్నారు. ఇది డైరీ ఉత్పత్తుల వల్ల కావచ్చు, కాంబినేషన్స్‌ వల్ల కావచ్చు. అయినప్పటికీ, పాల ఉత్పత్తులలోని లాక్టోస్‌ గ్యాస్‌, ఉబ్బరాన్ని పెంచుతాయి. ఇరానియన్‌ పిల్లలపై జరిపిన ఒక అధ్యయనంలో పాల ఉత్పత్తులు మలబద్ధకానికి కారణం అవుతాయని కనుగొన్నారు.

వైట్ బ్రెడ్

వైట్ బ్రెడ్‌ను మీ ఆహారం నుంచి పూర్తిగా తొలగించండి. వైట్ బ్రెడ్‌లో పీచు పదార్థం ఉండదు. దీంతో.. ఇది జీర్ణక్రియకు మంచిది కాదు. ఇది ఎక్కువ తినడం వల్ల కడుపు ఉబ్బరం, అజీర్తి, గ్యాస్ వంటి సమస్యలు వస్తాయంటున్నారు నిపుణులు. వైట్ బ్రెడ్ తినడం వల్ల మలబద్ధకం సమస్య వస్తుందని నిపుణులు చెబుతున్నారు. అంతేకాకుండా వైట్ బ్రెడ్ తీసుకోవడం వల్ల రక్తంలో చక్కెర స్థాయిలు పెరుగుతాయి. దీనిని ఎక్కువ తింటే బరువు పెరిగే ప్రమాదముంది. శుద్ది చేసిన వైట్ బ్రెడ్‌లో కార్బోహైడ్రేట్లు ఎక్కువగా ఉంటాయి. ఇది తినడం వల్ల శరీరంలో మంట, వాపు వచ్చే ప్రమాదముంది. అందుకే వైట్ బ్రెడ్ జోలికి పోకూడదు.

అన్నం

రోజూ మనం అన్నం ఎక్కువ తినకూడదు. మితంగా తీసుకోవాలి. ఎక్కువగా తింటే మలబద్ధకం పెరుగుతుందని నిపుణులు అంటున్నారు. అన్నంలో అధిక మొత్తంలో కార్బోహైడ్రేట్లు ఎక్కువగా ఉంటాయి. ఇది ఊబకాయానికి కారణమవుతుంది. అన్నంలో ఎక్కువ విటమిన్లు, ఖనిజాలు ఉండవు. బరువు తగ్గాలనుకునేవారు అన్నం ఎక్కువ తినకపోవడమే మంచిది. అయితే, అజీర్తి, గర్బిణీ స్త్రీలకు అన్నం చాలా మంచిది. అందుకే అన్నాన్ని ఎక్కువగా తీసుకోకూడదు. మితంగా తింటేనే ఆరోగ్యానికి మంచిది.