చట్టసభ సభ్యులే లక్ష్యంగా అమెరికాలో కాల్పులు

అగ్రరాజ్యం అమెరికాలో చట్టసభ సభ్యులను లక్ష్యంగా చేసుకుని దుండుగుడు కాల్పులకు పాల్పడ్డాడు. ఈ ఘటనలో మిన్నెసోటా స్టేట్ రిప్రజెంటేటివ్ మెలిస్సా హర్ట్‌మన్, ఆమె భర్త మార్క్ మృతిచెందారు. ఈ ఘటనలో మరో నేత జాన్ హఫ్‌మన్, ఆయన భార్య కూడా గాయపడ్డారు. ఈ కాల్పులను రాజకీయ హత్యలుగా అనుమానిస్తున్నారు. పోలీసు అధికారి వేషంలో వచ్చిన వ్యక్తి ఈ దాడులకు పాల్పడినట్లు భావిస్తున్నారు. ఈ ఘటనను రాజకీయ హత్యలుగా మిన్నెసోటా గవర్నర్ టిమ్ వాల్జ్ అభివర్ణించారు. నిందితుడి కోసం పోలీసులు గాలిస్తున్నారని ఆయన తెలిపారు.

అటు, ఈ కాల్పులను ఖండించిన అమెరికా అధ్యక్షుడు డొనాల్డ్ ట్రంప్.. ఇది "భయంకరమైన సంఘటన అని అన్నారు. ఎఫ్‌బీఐ ఈ ఘటనపై దర్యాప్తు చేస్తుందని ఆయన తెలిపారు. డెమొక్రటిక్ నేత మెలిస్సా హర్ట్‌మన్ గతంలో స్పీకర్‌గా పనిచేశారు. ఆమె 2004లో మొదటిసారి చట్టసభలో అడుగుపెట్టారు. హర్ట్‌మన్ దంపతులకు ఇద్దరు పిల్లలు ఉన్నారు. వారు బ్రూక్లిన్ పార్క్‌లో నివసిస్తున్నారు. చాంప్లిన్, బ్రూక్లిన్ పార్క్‌లోని వారి ఇళ్ల వద్ద ఈ కాల్పులు జరిగాయి. స్టేట్ సెనెటర్ జాన్ హఫ్‌మన్, ఆయన భార్యకు తీవ్ర గాయాలయ్యాయి. వారిని ఆసుపత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.

మెలిస్సా దంపతులు. మిన్నెసోటా స్టేట్ సెనేటర్ జాన్ హాఫ్‌మన్, ఆయన భార్యపై కూడా కాల్పులు జరిపిన వాన్స్ బోయెల్టర్ అనే అనుమానితుడి కోసం పోలీసులు గాలిస్తున్నారు. హాఫ్‌మన్ దంపతులు ప్రస్తుతం ఆసుపత్రిలో చికిత్స పొందుతున్నారని అధికారులు తెలిపారు. అనుమానితుడు బోయెల్టర్ కారులో దాదాపు 70 మంది పేర్లతో కూడిన ఒక జాబితా లభించిందని, అందులో ఇతర ప్రజాప్రతినిధులు, అబార్షణ సేవలందించే డాక్టర్లు ఉన్నారని ఒక పోలీసు అధికారి వెల్లడించారు. ఈ దాడుల్లో మరెవరైనా పాల్గొన్నారా? అన్న దానిపై ఇంకా స్పష్టత రాలేదని అధికారుల చెబుతున్నారు.

బోయెల్టర్ ఆచూకీ చెప్పినవారికి 50,000 డాలర్ల బహుమతిగా ఇస్తామని ఎఫ్‌బీఐ ప్రకటించింది. ఈ విషయంలో తమ వద్ద ఉన్న ప్రతీ వనరును వినియోగిస్తున్నామని ఎక్స్‌లో (ట్విట్టర్) తెలిపింది. ఇక, బోయెల్టర్ వాహనంలో సర్వైవల్ గేర్ ఉందని, లేటెక్స్ మాస్క్ ధరించి దాడులకు పాల్పడినట్టు పోలీసులు భావిస్తున్నారు.

బోయెల్టర్ ప్రస్తుతం బ్రూక్లిన్ పార్క్ ప్రాంతంలో లేడని, పోలీసుు కాల్పులు జరిపిన తర్వాత అక్కడ నుంచి పారిపోయాడని తెలిపారు. అతడు కెనడాకు పారిపోవచ్చన్న అనుమానంతో అనుమానితుడి ఫోటోలను బోర్డర్ పెట్రోల్ అధికారులకు పంపించారు. మిన్నెసోటా అధికారులు తెలిపిన ప్రకారం.. ‘ప్రెటోరియన్ గార్డ్ సెక్యూరిటీ సర్వీసెస్ అనే భద్రతా సంస్థకు బోయెల్డర్ పనిచేస్తున్నాడు. ఆ సంస్థ వెబ్‌సైట్ ప్రకారం, సెక్యూరిటీ పెట్రోల్స్ డైరెక్టర్‌గా పనిచేసే అతడికి అమెరికా సైనికుల నుంచి శిక్షణ పొందిన అనుభవం ఉంది.