రాబర్ట్ వాద్రాకు ఈడీ సమన్లు
national | Suryaa Desk | Published : Mon, Jun 16, 2025, 09:16 PM
రాహుల్ గాంధీ బావ, ప్రియాంక భర్త అయిన రాబర్ట్ వాద్రాకు మనీలాండరింగ్‌ కేసులో రేపు విచారణకు హాజరుకావాలని ఈడీ సమన్లు జారీ. యూకేకు చెందిన ఆయుధాల కన్సల్టెంట్ సంజయ్ భండారీకి సంబంధించిన కేసులో రాబర్ట్ వాద్రా వాగ్మూలాన్ని రికార్డ్ చేయడానికే ఈ సమన్లు జారీ చేసినట్లు సోమవారం అధికారిక వర్గాలు తెలిపాయి.సంజయ్ భండారీ అక్రమ నగదు చలామణి (మనీ లాండరింగ్) కేసులో తన వాంగ్మూలాన్ని రికార్డ్ చేయడానికి జూన్ 17న ఈడీ ముందు రాబర్ట్ వాద్రా హాజరు కావాలని కోరినట్లు సదరు అధికారిక వర్గాలు తెలిపాయి.వాస్తవానికి జూన్ 10నే రాబర్ట్ వాద్రా ఈడీ విచారణకు హాజరు కావాల్సి ఉంది. కానీ 56 ఏళ్ల వాద్రా తనకు జూన్ 9న ఫ్లూ లాంటి లక్షణాలు ఉన్నాయని, ప్రోటోకాల్ ప్రకారం కొవిడ్ టెస్ట్ చేయించుకున్నానని చెప్పి, గైర్హాజరు అయ్యారు.అయితే వాద్రాకు ఈడీ సమన్లు తప్పించుకునే ఉద్దేశం లేదని, ఈ నెల చివర్లో తన విదేశీ ప్రయాణానికి ముందుగానీ లేదా తరువాత ఎప్పుడైనా కానీ ఈడీ ముందు హాజరు కావడానికి సిద్ధంగా ఉన్నారని ఆయన తరఫు న్యాయవాది అప్పట్లో చెప్పారు.అయితే ప్రివెన్షన్ ఆఫ్ మనీ లాండరింగ్ (పీఎంఎల్ఏ) కింద తన వాంగ్మూలాన్ని రికార్డ్ చేయడానికి, తరువాత ఈ కేసులో ఛార్జిషీట్ దాఖలు చేయడానికి రాబర్ట్ వాద్రాకు ఈడీ తాజా సమన్లు జారీ చేసినట్లు తెలుస్తోంది.
|
|