ఏఐ కంటే పిల్లలే ఫాస్ట్,,,,కొత్త పరిశోధనలో వెల్లడి

సాంకేతికత శరవేగంగా అభివృద్ధి చెందుతున్న తరుణంలో.. ముఖ్యంగా కృత్రిమ మేధ అన్ని రంగాల్లోనూ తనదైన ముద్ర వేస్తోంది. మనుషులు ఎంతో సమయం తీసుకునే పనులను సైతం ఏఐ కేవలం క్షణాల్లో పూర్తి చేయగలుగుతోంది. దీనికి ప్రధాన కారణం ఏఐ పనిచేసే వేగం, ఖచ్చితత్వమే. మనుషులు.. అలసట, ఏకాగ్రత లోపం వంటి కారణాల వల్ల పొరపాట్లు చేసే అవకాశం ఉంటుంది. కానీ ఏఐ అలా కాదు.. నిరంతరం పనిచేసే సామర్థ్యం, అలసట లేకపోవడం, ముందే ప్రోగ్రామ్ చేసిన సూచనల మేరకు కచ్చితంగా పనిచేయడం ఏఐ సొంతం. అయితే ఇటీవల ఏఐపై జరిపిన పరిశోధన ఆశ్చర్యానికి గురిచేస్తోంది. ఏఐ కంటే పిల్లలే వేగంగా నేర్చుకుంటారని ఓ పరిశోధనలో వెల్లడైంది. ఆ వివరాలు.

 పిల్లలు భాషను ఏఐ కంటే వేగంగా నేర్చుకుంటారట. దీనికి గల కారణాలను ఇటీవల కొందరు పరిశోధకులు వివరించారు. ఏఐ ప్లాట్‌ఫామ్స్.. పెద్ద మొత్తంలో సమాచారాన్ని సేకరించినా.. భాషలు నేర్చుకోవడంలో పిల్లలు వాటిని మించిపోతున్నారని తెలిపారు. ఈ మేరకు మాక్స్ ప్లాంక్ ఇన్స్టిట్యూట్‌ ఆఫ్ సైకోలింగ్విస్టిక్స్‌కు చెందిన ప్రొఫెసర్ కరోలిన్ రోలాండ్, యూకేకు చెందిన ESRC LuCiD Centreక చెందిన పరిశోధకులు సంయుక్తంగా పరిశోధన చేసి.. ఏఐ కంటే పిల్లలు ఎలా వేగంగా భాషలను నేర్చుకుంటారని వివరించారు. ట్రెండ్స్ ఇన్ కాగ్నిటివ్ సైన్సెస్‌ జర్నల్‌లో దీనిపై పరిశోధన పత్రం రాశారు. దాని ప్రకారం.. పిల్లలు తమ చుట్టూ ఉన్న ప్రపంచాన్ని అర్థం చేసుకోవడానికి అన్ని ఇంద్రియాలను ఉపయోగిస్తారు. చూడటం, వినడం, వాసన చూడటం, రుచి చూడటం, తాకడం ద్వారా భాషా నైపుణ్యాలను పెంపొందించుకుంటారు.

పిల్లలు తమ సంరక్షకులతో, పరిసరాలతో ఎలా వ్యవహరిస్తారో తెలుసుకోవడానికి శాస్త్రవేత్తలు కొత్త పద్ధతులను ఉపయోగించారు. హెడ్-మౌంటెడ్ ఐ-ట్రాకింగ్, AIతో పనిచేసే స్పీచ్ రికగ్నిషన్ వంటి పరిశోధనా సాధనాలను ఉపయోగించారు. ఈ డేటా సేకరణ పద్ధతులు వేగంగా అభివృద్ధి చెందుతున్నప్పటికీ.. ఈ సమాచారం భాషగా ఎలా మారుతుందో వివరించే సిద్ధాంతాలు స్పష్టంగా లేవు. అయితే తాజాగా రూపొందించిన ఓ ఫ్రేమ్‌వర్క ఈ గ్యాప్‌ను భర్తీ చేస్తుంది. కంప్యూటేషనల్ సైన్స్, లింగ్విస్టిక్స్, న్యూరోసైన్స్, సైకాలజీ విభాగాల నుంచి సేకరించిన సమాచారంతో.. పరిశోధకులు ఒక విషయాన్ని కనుగొన్నారు. పిల్లలు ఏఐ కంటే వేగంగా భాషను నేర్చుకోవడానికి కారణం, వారు ఎంత సమాచారం పొందుతున్నారనేది కాదని.. దాన్ని ఎలా నేర్చుకుంటున్నారన్నది ముఖ్యం అని చెప్పారు.

పిల్లలు తమ చుట్టూ ఉన్న ప్రపంచాన్ని అర్థం చేసుకోవడానికి అన్ని ఇంద్రియాలను ఉపయోగిస్తారు. చూడటం, వినడం, వాసన చూడటం, రుచి చూడటం, తాకడం ద్వారా భాషా నైపుణ్యాలను పెంపొందించుకుంటారు. సామాజిక, మానసిక, శారీరక నైపుణ్యాలతో నిరంతరం మారుతున్న ప్రక్రియ ద్వారా భాషను నేర్చుకుంటారు. ఏఐ మనం ఇచ్చిన డేటానే ప్రాసెస్ చేస్తుంది చెప్పారు.

"పిల్లలు అనుభవాలను వెతుకుతారు. ప్రతి ప్రతిస్పందనతో వారి అభ్యాసాన్ని డైనమిక్‌గా మార్చుకుంటారు - వారి చేతులు, నోటితో వస్తువులను అన్వేషిస్తూ.. కొత్త ఉత్సాహ పరిచే బొమ్మల వైపు.. పాకడం లేదా వారికి ఆసక్తికరంగా అనిపించే వస్తువులను చూపడం లాంటివి చేస్తారు. అదే వారు భాషలో అంత త్వరగా ప్రావీణ్యం సంపాదించడానికి వీలు కల్పిస్తుంది." అని లోలాండ్ అన్నారు. అందుకే పిల్లల నుంచి.. ఏఐ పరిశోధకులు నేర్చుకోవాలని సూచించారు. మనుషుల్లాగే ఏఐ కూడా భాషను నేర్చుకోవాలంటే.. వాటిని ఎలా డిజైన్ చేయాలనేది మళ్లీ ఆలోచించాలని, మళ్లీ గ్రౌండ్ నుంచి పని మొదలుపెట్టాలని తెలిపాడు.