ఏ టైమ్‌లో ఎండలో ఉంటే విటమిన్ డి సరిగా అందుతుంది

మన బాడీలో విటమిన్ డి లోపం వచ్చిందంటే నీరసం, అలసట, నొప్పలు, నిద్ర లేకపోవడం వంటి సమస్యలొస్తాయి. అందుకే, కచ్చితంగా విటమిన్ డి సరిపడా ఉండాలి. దీనికోసం రోజులో కొంతసేపైనా ఎండలో ఉండాలి. అలా అని ఎప్పుడు పడితే అప్పుడు ఉండడం సరికాదు. విటమిన్ డి బాడీకి కాల్షియం, ప్రోటీన్ ఎంత ముఖ్యమే.. అంతే ముఖ్యం. దీనికోసం మనం సరైన విధంగా ఎండలో ఉండాలి. ఈ విటమిన్‌ని పెంచుకోవడానికి ఫుడ్స్ తినడం సరికాదు. చాలా మంది పనుల వల్ల బయటికి వెళ్లరు. ఇంట్లోనే ఉంటారు. దీని వల్లే విటమిన్ డి లోపం ఏర్పడుతుంది. ఎంత మనం విటమిన్ డి దొరికే ఫుడ్స్ తిన్నా కూడా సూర్యుడి నుంచి వచ్చే విటమిన్ డికి సమానంగా ఉండదు. కాబట్టి, రోజులో కాసేపైనా ఎండలో ఉండాలి. దానికోసం ఏ టైమ్‌లో ఎండలో ఉంటే మంచిదో తెలుసుకోండి.

ఎండలో ఉండకపోతే

మీరు ఎండలో ఉండకపోతే బాడీలో విటమిన్ డి లోపం ఏర్పడుతుంది. దీని వల్ల అలసట, కీళ్ల నొప్పులు, బలహీనత, మానసిక సమస్యలు ఉంటాయి. వీటిని నిర్లక్ష్యం చేస్తే అవే పెద్ద సమస్యలుగా మారతాయి. ఇండియాలో చాలా మంది విటమిన్ డి లోపంతో బాధపడుతున్నారు. చెన్నై, దక్షిణ భారతదేశంలోని ఇతర నగరాల్లో కూడా ఇదే పరిస్థితి. చెన్నైలో గర్భిణీలపై జరిగిన పరిశోధనలో 62 శాతం మంది విటమిన్ డి లోపంతో బాధపడుతున్నారని తేలింది. ఎక్కువసేపు ఆఫీస్ పనుల్లో మునిగిపోవడం, బాడీ మొత్తాన్ని కవర్ చేసే బట్టలు వేసుకోవడమే దీనికి కారణాలు తెలుస్తోంది. దీనిని అధిగమించాలంటే ఎండల్లో ఉండడం ముఖ్యం.

ఎక్స్‌పర్ట్స్ ప్రకారం

సూర్యుని UVB కిరణాలు చర్మంపై పడినప్పుడు బాడీలో విటమిన్ డి ఉత్పత్తి అవుతుందని ఎక్స్‌పర్ట్స్ చెబుతున్నారు. ఈ కిరణాలు ఉదయం 11 గంటల నుండి మధ్యాహ్నం 2 గంటల వరకూ చాలా చురుగ్గా ఉంటాయి. ఇక సాయంత్రం ఎండలో UVA కిరణాలు మాత్రమే వస్తాయి. ఇవి విటమిన్ డి ఉత్పత్తికి హెల్ప్ చేయవు. అయితే, ఈ కిరణాలు దేశాన్ని బట్టి మారతాయి. దీనికోసం మన దేశంలో ఏ టైమ్‌లో ఎండలో ఉంటే మంచిదో తెలుసుకోవాలి.

దేశాన్ని బట్టి

అయితే, అన్నీ చోట్ల ఒకే చోట ఈ కిరణాలు రావు. బ్రిటన్‌లో అయితే ఉదయం 11 నుంచి మధ్యాహ్నం 3 గంటల మధ్య ఎండలో ఉంటే విటమిన్ డి అందుతుంది. ఇండియాలో అయితే ఉదయం 10 నుండి 12, 1 గంట మధ్యలో ఎండలో ఉంటే విటమిన్ డి లోపం తగ్గుతుంది. కానీ, ఎక్కువసేపు ఎండలో ఉంటే చర్మ సమస్యలతో పాటు ఇతర సమస్యలు కూడా వస్తాయి.

ఎంతసేపు ఎండలో ఉండాలంటే

విటమిన్ డి మన బాడీకి అందాలంటే ఎక్స్‌పర్ట్స్ ప్రకారం ప్రతిరోజూ ఎండలో 10 నుంచి 20 నిమిషాల పాటు ఎండలో ఉండండి. మరో అధ్యయనం ప్రకారం కేవలం 5 నుంచి 30 నిమిషాలు కూర్చుంటే సరిపోతుంది. చాలా మంది ఆ టైమ్‌లో బిజీగా ఉంటారు. వీలు కాదు అనుకుంటారు. కానీ, హెల్త్ కంటే ముఖ్యం ఏది కాదు. కాబట్టి, వీలు చేసుకుని ఆ టైమ్‌లో కనీసం 5 నిమిషాలైనా ఎండలో ఉండే ప్రయత్నం చేయండి.

ఎండలో ఉండడం వీలు కాకపోతే

చాలా మందికి కొన్ని కారణాల వల్ల ఎండలో ఉండడం వీలు కాదు. అలాంటి వారు సప్లిమెంట్స్, గుడ్లు, చేపలు, పాల వంటి పోషకాలు తీసుకోవడం వల్ల సమస్యని తగ్గించుకోవచ్చు. కానీ, వీలైతే 10 నిమిషాలు ఎండలో ఉండడం మంచిది.