జుట్టు వేగంగా పెరగాలంటే ,,,, ఇంట్లోనే నూనె తయారు చేసుకోండి

జుట్టు ఒత్తుగా పెరగడానికి నూనె రాయాలని అందరూ చెబుతారు. కానీ..ఎలాంటి నూనె వాడుతున్నారే దాన్ని బట్టే హెయిర్ గ్రోథ్ ఎలా ఉంటుందనేది ఆధారపడి ఉంటుంది. సరైన నూనెని ఎంపిక చేసుకుంటేనే సగం సమస్య తీరిపోయినట్టు లెక్క. అయితే..సరైన నూనె కొనడం సరే. కానీ..అదే నూనెని ఇంట్లో తయారు చేసుకుంటే ఎలా ఉంటుంది. పైగా చాలా సులభంగా, ఎక్కువ శ్రమ పడకుండానే ఇది తయారైపోతుంది.

కేవలం ఐదారు పదార్థాలతోనే జుట్టుని ఒత్తుగా పెంచి, మెరిసిపోయేలా చేసే నూనె తయారు చేసుకోవచ్చు. అయితే..ఈ తయారీ ఎలా అన్నదే తెలుసుకోవాలి. ఈ ప్రాసెస్ ని క్లియర్ గా వివరించారు ఓ ఇన్ స్టా ఇన్ ఫ్లుయెన్సర్. ఇన్ స్టా గ్రామ్ లో ఇందుకు సంబంధించిన ఓ పోస్ట్ పెట్టారు. అందులే నేచురల్ హెయిర్ గ్రోత్ ఆయిల్ ఎలా తయారు చేయాలో వివరించారు. ఈ ప్రాసెస్ ఏంటో ఓ సారి చూద్దాం.

మరి కొన్ని టిప్స్

అయితే ఈ నూనెని ఒకేసారి వాడకూడదు. ముందుగా కొంత వాడి ప్యాచ్ టెస్ట్ చేయాలి. మీ హెయిర్ కి ఇది సరిపోతోంది, బాగానే పని చేస్తోంది అనుకున్నప్పుడు రెగ్యులర్ గా వాడాలి. సెన్సిటివ్ స్కిన్ ఉన్న వాళ్లు వాడకపోవడమే మంచిది. ఈ నూనెని చల్లని ప్రదేశంలో ఉంచాలి. దాదాపు నాలుగు వారాల పాటు ఇది చెడిపోకుండా ఉంటుంది. ఈ నూనె రాసుకున్న తరవాత ఓ టవల్ ని తలకు చుట్టుకుంటే ఇంకాస్త ఎక్కువ ప్రభావం కనిపిస్తుంది.

ఎలా వాడాలి

ఈ నూనెని తయారు చేసుకున్న తరవాత సరైన పద్ధతిలో వాడితేనే ఫలితాలు ఉంటాయి. వాడిన ప్రతిసారీ కచ్చితంగా కాస్త వేడి చేస్తే మంచిది. ఇలా చేయడం వల్ల ఎఫెక్ట్ కాస్త ఎక్కువగా ఉంటుంది. వారానికి కనీసం రెండు మూడు సార్లు తలకు బాగా పట్టించాలి. కుదుళ్ల వరకూ నూనె వెళ్లేలా మసాజ్ చేసుకోవాలి. కనీసం పది నిముషాల పాటు మసాజ్ చేస్తే కుదుళ్లకు బాగా పడుతుంది. ఫలితంగా అవి బలంగా మారతాయి. మసాజ్ చేసిన తరవాత రాత్రంతా అలాగే ఉంచాలి. లేదా కనీసం ఓ గంట పాటు ఉంచాలి. ఆ తరవాత రెగ్యులర్ గా చేసినట్టు తలస్నానం చేస్తే సరిపోతుంది.

ఎలా తయారు చేసుకోవాలి

ముందుగా ఆలివ్ ఆయిల్ ని వేడి చేయాలి. అయితే..మరీ ఎక్కువగా మరిగించకూడదు. కాస్త వేడి అయ్యేంత వరకూ హీట్ చేస్తే సరిపోతుంది. ఆ తరవాత అందులో రోజ్ మెరీ వేయాలి. దాంతో పాటుగా కలోంజి, మెంతులు, వెల్లుల్లి, లవంగాలు యాడ్ చేయాలి. నూనె వేడిగా ఉన్న సమయంలోనే ఇవన్నీ యాడ్ చేసుకోవాలి. కనీసం పది నిముషాల పాటు అలాగే ఉంచాలి. ఆ తరవాత స్టవ్ ఆఫ్ చేసి నూనె చల్లారేంత వరకూ పక్కన పెట్టాలి. ఆయిల్ చల్లారిన తరవాత కచ్చితంగా దాన్ని వడబోయాలి. తరవాత ఆ ఆయిల్ ని ఓ గ్లాస్ జార్ లోకి తీసుకుని మూత పెట్టేయాలి.

ఏ మోతాదులో తీసుకోవాలి

ఈ ఆయిల్ తయారు చేసుకోడానికి ముందుగా ఓ కప్పు ఆలివ్ ఆయిల్ తీసుకోవాలి. దీంతో పాటు ఓ టేబుల్ స్పూన్ డ్రైడ్ రోజ్ మెరీ అవసరం అవుతుంది. కలోంజి గింజలు ఓ టేబుల్ స్పూన్ మేర తీసుకోవాలి. వీటితో పాటు ఓ టేబుల్ స్పూన్ మెంతులు, 3 వెల్లుల్లి రెబ్బలు, నాలుగు లవంగాలు అవసరం అవుతాయి. ఈ పదార్థాలను తీసుకున్నాక ఇప్పుడు చెప్పిన విధంగా వాడితేనే సరైన హెయిర్ గ్రోత్ ఆయిల్ తయారవుతుంది. అయితే..ఈ మోతాదుని మాత్రం కచ్చితంగా చెక్ చేసుకోవాలి. లేదంటే ఆయిల్ అంత ప్రభావం చూపించకపోవచ్చు. ముఖ్యంగా కలోంజి గింజలు, రోజ్ మెరీ విషయంలో మోతాదుని సరిగ్గా చెక్ చేసుకుంటే మంచిది. ఈ రెండింటితోనే ఆయిల్ కి సామర్థ్యం పెరుగుతుంది.

కావాల్సిన పదార్థాలు

ఈ నేచురల్ ఆయిల్ తయారు చేసుకోడానికి కొన్ని పదార్థాలు అవసరం అవుతాయి. ఇందుకోసం ముందుగా కావాల్సింది ఆలివ్ ఆయిల్. దీంతో పాటు రోజ్ మెరీ, కలోంజి, మెతులు, వెల్లుల్లి రెబ్బలు, లవంగాలు కావాలి. ఆలివ్ ఆయిల్ హెయిర్ గ్రోథ్ కి చాలా బాగా పని చేస్తుంది. ఇక కలోంజి గింజల్లో ఉండే పోషకాలు జుట్టు నల్లబడకుండా ఉంచుతాయి. మెంతులు, వెల్లుల్లి కూడా జుట్టు కుదుళ్లను బలంగా ఉంచడంలో తోడ్పడతాయి. వీటితో పాటు లవంగాలు కూడా చాలా బాగా పని చేస్తాయి. వీటన్నింటిలోనూ యాంటీ ఆక్సిడెంట్స్ అధికంగా ఉంటాయి. ఇవి జుట్టు వేగంగా పెరిగేందుకు సాయపడతాయి.