నిద్రపోయినప్పుడు లాలాజలం కారుతుంటే ఇపుడే జాగ్రత్త పడండి
Health beauty | Suryaa Desk | Published : Fri, Aug 15, 2025, 11:19 PM
నిద్రపోయేటప్పుడు కొంతమంది లాలాజలాన్ని కారుస్తుంటారు. దీంతో మంచి నిద్రపోయాం. కాబట్టి, ఇలా జరిగిందనుకోవడానికి లేదు. ఈ విషయంలో ముందుగానే అలర్ట్ అవ్వాలని చెబుతున్నారు ఎక్స్పర్ట్స్. ఇది సాధారణం కాదని, ఫ్యూచర్లో ఏదైనా సమస్య వస్తుందనగానే ఈ లక్షణం కనిపిస్తుందని చెబుతున్నారు ఎక్స్పర్ట్స్. ముందుగానే అలర్ట్ అవ్వడం మంచిదని లేదంటే చాలా ప్రమాదకర సమస్యలు వస్తాయని సూచిస్తున్నారు. అసలు ఏ వ్యాధుల కారణంగా ఇలా నిద్రలో నోటి నుండి లాలాజలం వస్తుందో తెలుసుకోండి.
సైనస్ ఇన్ఫెక్షన్స్
మీరు నిద్రపోయినప్పుడు ప్రతిరోజూ నోటి నుండి లాలాజం వస్తే అది సైనస్ లక్షణం కావొచ్చు. సైనస్ కారణంగా ముఖం ఎముకల్లో గాలితో నిండిన ఖాళీలు, ముక్కుకు అనుసంధానించబడి ఉంటాయి. సైనస్లో వాపు, ఇన్ఫెక్షన్ ఉన్నప్పుడు ముక్కు మూసుకుపోతుంది. దీని కారణంగా వ్యక్తి నోటి ద్వారా శ్వా తీసుకుంటారు. నిద్రలో నోరు తెరిచి ఉండడం వల్ల లాలాజలం తగ్గదు. ఆగదు. ఈ సమస్య ఎక్కువరోజులు ఉంటే డాక్టర్ని కలవడం మంచిది.
దంత, చిగుళ్ల సమస్యలు
మీ దంతాలు, చిగుళ్లలో ఇన్ఫెక్షన్, ఏదైనా సమస్యలు ఉంటే ఇలా జరుగుతుంది. నోటిలో ఇన్ఫెక్షన్, దంతక్షయం, చిగుళ్ల వాపు వచ్చినప్పుడు లాలాజల గ్రంథులు మరింత చురుగ్గా మారతాయి. దీని వల్ల లాలాజల ప్రవాహాన్ని పెంచుతుంది. నిద్రపోయినప్పుడు ఈ అదనపు లాలాజలం నోటి నుండి బయటికి వస్తుంది. అలాంటప్పుడు డెంటల్ డాక్టర్ని కలవడం మంచిది.
గ్యాస్ట్రో ఎసోఫాగియల్ రిఫ్లక్స్ వ్యాధి
మీకు GERD అంటే గ్యాస్ట్రో ఎసోఫాగియల్ రిఫ్లక్స్ డిసీజ్ ఉంటే కడుపులోని యాసిడ్ గొంతువరకూ వస్తుంది. ఇది జరిగినప్పుడు, బాడీ ఈ యాసిడ్ బ్యాలెన్స్ చేయడానికి ఎక్కువ లాలాజలాన్ని ఉత్పత్తి చేస్తుంది. ఈ అదనపు లాలాజలం నిద్రపోయినప్పుడు ముఖ్యంగా మీరు మీ వీపుపై పడుకున్నప్పుడు నోటి నుండి బయటికి వస్తుంది. పార్కిన్సన్స్, బ్రెయిన్ స్ట్రోక్ లేదా కొన్ని కండరాల సంబంధిత సమస్యలు వచ్చే అవకాశం ఉన్నా ఇలానే జరుగుతుంది.
నాడీ సంబంధిత సమస్యలు
నోరు, గొంతు కండరాలను బలహీనపరుస్తాయి. ఇది లాలాజలాన్ని మింగడాన్ని కష్టతరం చేస్తుంది. అది నోటిలో పేరుకుపోతుంది. నిద్రలో బయటకి వస్తుంది. గమనిక
ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి తెలుగు సమయం బాధ్యత వహించదు.
|
|