నెయ్యి వాడకం: immunity నుంచి eyesight వరకు అన్ని లాభాలే!

మన పూర్వీకుల ఆహారపు అలవాట్లలో నెయ్యికి ప్రత్యేక స్థానం – ఇప్పుడు మళ్లీ ఆరోగ్య నిపుణుల దృష్టిలోకి!
నెయ్యి... ఒకప్పుడు ప్రతి ఇంట్లోనూ ఆహారంలో ప్రధాన భాగంగా వుండేది. ప్రస్తుతం మళ్లీ ఇది ఆరోగ్య నిపుణుల దృష్టిని ఆకర్షిస్తోంది. దాని‌లో ఉన్న విటమిన్లు, యాంటీఆక్సిడెంట్లు, శక్తినిచ్చే ఆరోగ్యకరమైన కొవ్వులు నెయ్యిని సూపర్ ఫుడ్‌గా మార్చాయి.ఇన్ని ఉపయోగాలా? నెయ్యిలోని పోషక విలువలు అద్భుతం!
*నెయ్యిలో ఉండే ముఖ్యమైన పోషకాలు:విటమిన్ A, D, E, K, బ్యూటిరిక్ యాసిడ్, ఒమేగా-3 ఫ్యాటి యాసిడ్స్, యాంటీఆక్సిడెంట్లు, కాల్షియం – ఇవన్నీ శరీరానికి అవసరమైన కీలక పోషకాలు.ఇవి రోగనిరోధక శక్తిని బలపరిచే పనిలో ముఖ్యపాత్ర పోషిస్తాయి. నెయ్యిలో ఉండే విటమిన్ A, K, యాంటీఆక్సిడెంట్లు శరీరాన్ని రోగాలకు తట్టుకునేలా చేస్తాయి. ముఖ్యంగా చలికాలంలో వచ్చే దగ్గు, జలుబు లాంటి సీజనల్ ఇన్ఫెక్షన్లను తగ్గించడంలో సహాయపడతాయి.
*ఎముకలు, దంతాలకు బలం – గుండెకు మేలు :నెయ్యిలో ఉండే విటమిన్ D శరీరంలో కాల్షియం శోషణకు మద్దతునిస్తూ ఎముకలు, పళ్ల బలాన్ని పెంచుతుంది.అదే విధంగా, ఇందులో ఉన్న ఆరోగ్యకరమైన కొవ్వులు గుండె ఆరోగ్యాన్ని మెరుగుపరచడంలో సహాయపడతాయి. సరైన మోతాదులో తీసుకుంటే నెయ్యి రక్తంలోని చెడు కొలెస్ట్రాల్ స్థాయిని తగ్గించడంలో కూడా ఉపయోగపడుతుంది.
*కంటి వెలుగు నుంచి చర్మ సంరక్షణ వరకు:నెయ్యిలో సమృద్ధిగా ఉండే విటమిన్ A కంటి ఆరోగ్యానికి ఎంతో ఉపయుక్తం. కంటి చూపును మెరుగుపరచడంలో ఇది సహకరిస్తుంది.అలాగే, నెయ్యిలో ఉన్న యాంటీ ఇన్‌ఫ్లమేటరీ, యాంటీ బ్యాక్టీరియల్ గుణాలు చర్మానికి చల్లదనం ఇవ్వడంతో పాటు, దురద, ఇన్‌ఫెక్షన్లను నివారించడంలో సహకరిస్తాయి.
*స్త్రీలకు ప్రత్యేక లాభాలు:రుతుస్రావ సమయంలో మహిళలు ఎదుర్కొనే అసౌకర్యాలను తగ్గించడంలో నెయ్యి కీలకంగా పనిచేస్తుందని వైద్య నిపుణులు చెబుతున్నారు. శరీరంలో హార్మోన్ల సమతుల్యతను కాపాడడంలో కూడా ఇది మేలు చేస్తుంది.నెయ్యి ఒక సాధారణ ఆహార పదార్థంలా కనిపించినా, దాని గుణాలు అసాధారణం. సరైన మోతాదులో ప్రతిరోజూ ఆహారంలో చేర్చుకుంటే శరీరానికి ఎన్నో విధాలుగా మేలు చేకూరుతుంది. మన పూర్వీకుల ఆహారపద్ధతుల్లో ఎందుకు నెయ్యికి అంత ప్రాధాన్యం ఉందో ఇప్పుడు మనకు స్పష్టంగా తెలుస్తోంది.