పాకిస్తాన్ ఆటగాళ్లతో కరచాలనం చెయ్యని భారత ఆటగాళ్లు
sports | Suryaa Desk | Published : Mon, Sep 15, 2025, 04:26 PM
ఆసియా కప్ 2025లో దాయాది పాకిస్థాన్పై టీమిండియా అద్భుత విజయం సాధించినప్పటికీ, ఆ తర్వాత జరిగిన ఓ సంఘటన తీవ్ర చర్చనీయాంశంగా మారింది. దుబాయ్లో ఆదివారం జరిగిన ఈ మ్యాచ్లో పాకిస్థాన్ను 7 వికెట్ల తేడాతో భారత్ చిత్తు చేసింది. అయితే, భారత ఆటగాళ్లు క్రీడాస్ఫూర్తిని ప్రదర్శించడంలో విఫలమయ్యారనే విమర్శలు వెల్లువెత్తుతున్నాయి. ఈ మ్యాచ్లో తొలుత బ్యాటింగ్ చేసిన పాకిస్థాన్ నిర్దేశించిన 128 పరుగుల స్వల్ప లక్ష్యాన్ని భారత్ కేవలం 15.5 ఓవర్లలోనే ఛేదించి సునాయాస విజయాన్ని నమోదు చేసింది. విజయం ఖరారైన వెంటనే, సూర్యకుమార్ యాదవ్ సహా భారత ఆటగాళ్లందరూ సంప్రదాయబద్ధంగా ప్రత్యర్థి జట్టు ఆటగాళ్లకు కరచాలనం (షేక్ హ్యాండ్) చేయకుండా నేరుగా డ్రెస్సింగ్ రూమ్కు వెళ్లిపోయారు. పాకిస్థాన్ ఆటగాళ్లు మైదానంలో షేక్ హ్యాండ్ కోసం ఎదురుచూస్తున్న దృశ్యాలు సోషల్ మీడియాలో వైరల్ కావడంతో ఈ విషయంపై దుమారం రేగింది.
|
|