Arshdeep Singh: సూపర్ ఓవర్‌కి నా స్ట్రాటజీ ఏంటి? నిజం చెప్పేసిన అర్ష్‌దీప్!

ఆసియా కప్‌ 2025 సూపర్‌ 4లో శుక్రవారం శ్రీలంకతో జరిగిన మ్యాచ్‌లో భారత్ సూపర్ ఓవర్‌లో విజయం సాధించింది. టైగా ముగిసిన ఈ మ్యాచ్‌లో అర్ష్‌దీప్ సింగ్ అద్భుతమైన బౌలింగ్‌తో శ్రీలంక బ్యాటర్లను ఆపేశాడు.ముఖ్యంగా, అర్ష్‌దీప్ మ్యాచ్లో పెద్దగా ప్రభావం చూపలేదు. 4 ఓవర్లలో 46 పరుగులు ఇచ్చి ఒకే ఒక్క వికెట్ తీసేశాడు. అయితే, సూపర్ ఓవర్‌లో మాత్రం తన ప్రతిభతో సమరం మార్చేశాడు. కేవలం రెండు పరుగులు మాత్రమే ఇచ్చి, పెరీరా, శనకను అవుట్ చేసి జట్టుకు విజయాన్ని అందించాడు. మ్యాచ్ అనంతరం తన సూపర్ ఓవర్ ప్రణాళికను అర్ష్‌దీప్ వెల్లడించాడు."పవర్ ప్లేలో మేము భారీగా పరుగులు కోల్పోయాం. మిగతా బౌలర్లు బాగా బౌలింగ్ చేసి, మ్యాచ్‌ను సూపర్ ఓవర్‌ వరకు తీసుకెళ్లారు. సూపర్ ఓవర్‌లో నా ప్రణాళిక స్పష్టంగా ఉండేది. వైడ్ యార్కర్లు వేస్తూ శ్రీలంక బ్యాటర్లను ఆఫ్ సైడ్ ఆడించడమే లక్ష్యం. అది విజయవంతమైంది. జట్టు విజయంలో నా భాగస్వామ్యం ఉన్నందుకు చాలా సంతోషంగా ఉంది. నేను ఎప్పుడూ మానసికంగా సిద్ధంగా ఉండేందుకు ప్రయత్నిస్తాను. మ్యాచ్‌లో వంద శాతం ప్రయత్నిస్తాను. అవకాశం దక్కకపోయినా మైదానం వెలుపల కూడా వంద శాతం అంకితం ఇవ్వాలనే నా లక్ష్యం. శిక్షణ, ఫిట్‌నెస్‌పై దృష్టి పెట్టడం చాలా అవసరం" అని అర్ష్‌దీప్ చెప్పారు. ఈ వ్యాఖ్యలు బీసీసీఐ తన సోషల్ మీడియా ప్లాట్‌ఫారమ్‌లో పోస్టు చేసింది.ఆసియా కప్‌ 2025లో అర్జ్‌దీప్‌ సింగ్ ఇప్పటివరకు కేవలం రెండు మ్యాచులు మాత్రమే ఆడాడు. దుబాయ్ పిచ్‌లు స్పిన్ బౌలర్లకు అనుకూలంగా ఉండటంతో, జస్ప్రీత్ బుమ్రా ప్రధాన పేసర్‌గా ఆడుతున్నారు. హార్దిక్ పాండ్యా రెండో పేసర్‌గా ఉన్నాడు. అందుకే అర్ష్‌దీప్‌కు తక్కువ అవకాశాలు వచ్చాయి. అయితే శ్రీలంక మ్యాచ్‌లో బుమ్రాకు విశ్రాంతి ఇచ్చిన నేపథ్యంలో అతనికి అవకాశం దక్కింది. ఆసియా కప్‌ 2025 ఫైనల్‌ ఆదివారం దుబాయ్ ఇంటర్నేషనల్ స్టేడియంలో భారత్, పాకిస్తాన్ మధ్య జరగనుంది. ఫైనల్‌లో బుమ్రా తిరిగి ఆడనున్నందున, అర్ష్‌దీప్‌కు మరొకసారి అవకాశం రావడం కష్టం.