ఆర్టీసీలో డ్రైవర్లు, కండక్టర్ల కొరత ఉన్న మాట వాస్తవమే
Andhra Pradesh Telugu | Suryaa Desk | Published : Tue, Oct 21, 2025, 10:10 AM
ఏపీలో స్త్రీ శక్తి పథకం అమలు తర్వాత ఆర్టీసీ బస్సుల్లో ప్రయాణికుల రద్దీ గణనీయంగా పెరిగిన నేపథ్యంలో ఈ సమస్యను అధిగమించేందుకు కీలక చర్యలు తీసుకుంటున్నట్లు ఆర్టీసీ జోన్-1 ఈడీ బ్రహ్మానందరెడ్డి వెల్లడించారు. ప్రయాణికుల అవసరాలకు అనుగుణంగా కొత్త బస్సులను కొనుగోలు చేయడంతో పాటు దీర్ఘకాలిక ప్రణాళికలను అమలు చేస్తున్నామని తెలిపారు. ఆయన పార్వతీపురం మన్యం జిల్లా కేంద్రంలోని ఆర్టీసీ డిపోను సందర్శించి, అక్కడి పరిస్థితులను సమీక్షించారు.ఆర్టీసీలో డ్రైవర్లు, కండక్టర్ల కొరత ఉన్న మాట వాస్తవమేనని ఈడీ అంగీకరించారు. ఈ సమస్యను తాత్కాలికంగా అధిగమించడానికి 'అన్కాల్ డ్రైవర్ల' సేవలను వినియోగించుకుంటున్నామని, త్వరలోనే శాశ్వత పరిష్కారం కోసం ప్రణాళికలు సిద్ధం చేస్తున్నామని తెలిపారు. పార్వతీపురం జిల్లాకు అదనపు బస్సులు కావాలని కోరుతూ ఇప్పటికే ప్రభుత్వానికి లేఖ రాశామని ఆయన పేర్కొన్నారు.
|
|