దివాళీ ధమాకా.. స్కోడా కార్లపై రూ.4,50,000 వరకు తగ్గింపు

దీపావళి సందర్భంగా దాదాపు అన్ని కార్ల తయారీ కంపెనీలు భారీ డిస్కౌంట్ ఆఫర్లు ప్రకటించాయి. బడ్జెట్ ధర నుంచి లగ్జరీ కార్ల వరకు మంచి తగ్గింపు ప్రకటించాయి. మీరు దీపావళి తర్వాత సైతం ఈ నెల చివరి వరకు కొన్ని కంపెనీలు ఆఫర్ కొనసాగిస్తున్నాయి. అందులో స్కోడా ఇండియా ఒకటి. జీఎస్టీ తగ్గింపు తర్వాత కార్ల ధరలు భారీగా తగ్గాయి. ఆ తర్వాత దీపావళి ఆఫర్లతో మరింత చౌకగా లభిస్తున్నాయి. స్కోడా కంపెనీ తమ పోర్ట్ ఫోలియోలోను కొన్ని కార్లపై ఏకంగా రూ.4,50,000 వరకు తగ్గింపు ఇస్తోంది. స్కోడా ఎస్‌యూవీ కైలాక్ కారు విడుదలైన 9 నెలల కాలంలోనే మన దేశంలో ఏకంగా 30 వేలకు పైగా యూనిట్లు విక్రయించినట్లు సమాచారం. దీపావళికి ఈ కారు కొనేందుకు ఎక్కువ మంది ఇష్టపడుతున్నారట. మరి ఈ ఆఫర్ వివరాలు తెలుసుకుందాం.

స్కోడా కైలాక్..

భారత మార్కెట్లో స్కోడా కంపెనీ చౌకగా అందిస్తోన్న కారు కైలాక్. ఈ కారుపై ఈ దీపావళి ఆఫర్‌లో రూ.65 వేల వరకు డిస్కౌంట్ ఇస్తోంది. ఈ ఎస్‌యూవీ కారు ధర రూ.7.55 లక్షల నుంచి రూ.12.80 లక్షలు (ఎక్స్ షోరూమ్)గా ఉంది.

స్కోడా కుషాక్

స్కోడా కంపెనీ భారత మార్కెట్లో విడుదల చేసిన కార్లలో కుషాక్ కారుకు మంచి ఆదరణ లభిస్తోంది. ఈ కారుపై దీపావళి ఆఫర్‌లో రూ. 2.50 లక్షల వరకు తగ్గింపు ఇస్తోంది. ఈ కారు ఎక్స్ షోరూమ్ ధర రూ. 10.61 లక్షల నుంచి ప్రారంభమవుతోంది.

స్కోడా స్లావియా

స్కోడా కంపెనీ సెడాన్ వెహికల్ స్లావియా తన ఇంజిన్‌ను కుషాక్‌తోనూ పంచుకుంటోంది. ఈ కారుపై ప్రస్తుతం రూ. 2.25 లక్షల వరకు తగ్గింపు లభిస్తోంది. ఈ కారు ప్రారంభ ధర రూ. 10 లక్షలుగా ఉండగా గరిష్ఠంగా రూ. 17.70 లక్షలు (ఎక్స్ షోరూమ్ ధర) వరకు ఉంటుంది. ఆధునిక ఫీచర్లు, బలమైన సామర్థ్యంతో భారత ప్రజలను తన వైపు ఆకర్షిస్తోంది.

స్కోడా కొడియాక్

భారత్‌లో స్కోడా కంపెనీ ఫ్లాగ్‌షిప్ ఎస్‌యూవీ కారుగా కోడియాక్ నిలుస్తోంది. ఈ కారుపై దీపావళికి అత్యధిక బెనిఫిట్స్ ఇస్తోంది. ఏకంగా రూ. 4.50 లక్షలు తగ్గింపు ప్రకటించింది. ఈ ప్రీమియం ఎస్‌యూవీ కారు మూడు వేరియంట్లలో లభిస్తోంది. వీటి ధర రూ. 39.99 లక్షల నుంచి రూ. 45.96 లక్షలు (ఎక్స్ షోరూమ్ ధర)గా ఉన్నాయి. ఇందులో 2.0 లీటర్ టర్బో పెట్రోల్ ఇంజిన్ ఉంటుంది.