అదృష్టం అంటే వీరిదే.. ఏడాదికే పెట్టుబడి డబుల్.. ఇప్పుడు 1 షేరుకు 1 షేరు ఉచితంగా ఇస్తోన్న కంపెనీ

స్మాల్ క్యాప్ కేటగిరిలోని ఇంటీరియర్ సెక్టార్ కంపెనీ ఇంటీరియర్స్ అండ్ మోర్ లిమిటెడ్ బంపర్ ఆఫర్ ప్రకటించింది. కంపెనీ బోర్డు ఆఫ్ డైరెక్టర్స్ ఇటీవలే సమావేశమై తమ షేర్ హోల్డర్లకు బోనస్ షేర్లు ఇచ్చేందుకు ఆమోదం తెలిపారు. ఈ బోనస్ ఇష్యూ ప్రకారం 1 షేర్ కొనుగోలు చేసిన వారికి మరొక షేరు ఉచితంగా లభిస్తుంది. మరోవైపు ఈ కంపెనీ షేర్ గత ఏడాదిలోనే ఏకంగా 108 శాతం లాభాన్ని ఇచ్చి షేర్ హోల్డర్ల సంపదను డబుల్ చేసింది. మల్టీబ్యాగర్ స్టాక్స్‌లో ఒకటిగా నిలిచింది. ఈ కంపెనీ స్టాక్ గత ఏడాది 2024, ఫిబ్రవరి నెలలోనే స్టాక్ మార్కెట్‌లో లిస్ట్ అయింది.

కంపెనీ ఎక్స్చేంజ్ ఫైలింగ్ ప్రకారం.. బోర్డు డైరెక్టర్స్ 1: 1 రేషియోలో బోనస్ షేర్లు జారీ చేయడానికి ఆమోదం తెలుపారు. దీని అర్థం రికార్డు తేదీ నాటికి రూ. 10 ఫేస్ వ్యాల్యూ ఉన్న 1 ఈక్విటీ షేరుని కొనుగోలు చేసి తమ డీమ్యాట్ అకౌంట్లో కలిగి ఉన్న వారందరికీ అదనంగా రూ. 10 ఫేస్ వ్యాల్యూ ఉండే 1 ఈక్విటీ షేరుని బోనస్ రూపకంగా ఉచితంగా జారీ చేస్తారు. ఈ బోనస్ షేర్ల జారీకి అర్హులైన షేర్ హోల్డర్లను నిర్ణయించే రికార్డు డేట్ త్వరలోనే బోర్డు డైరెక్టర్స్ నిర్ణయించనున్నారని కంపెనీ తెలిపింది.

ఈ కంపెనీ స్టాక్ పని తీరుని గమనిస్తే స్టాక్ మార్కెట్ చివరి ట్రేడింగ్ సెషన్లో ఇంటీరియర్స్ అండ్ మోర్ లిమిటెడ్ షేరు 0.30 శాతం నష్టపోయి రూ. 665 వద్ద స్థిరపడింది. ఈ షేరు 52 వారాల గరిష్ఠ ధర రూ. 680, కనిష్ఠ ధర రూ. 284.50 వద్ద ఉన్నాయి. గత వారం రోజుల్లో 11 శాతం లాభాన్ని అందించింది. గత నెల రోజుల్లో 9 శాతం లాభాన్ని ఇచ్చింది. గత ఆరు నెలల్లో 50 శాతం లాభాన్ని అందించింది. గత ఏడాది కాలంలో 108 శాతం పెరిగి పెట్టుబడిని డబుల్ చేసింది. లక్ష రూపాయలు పెట్టిన వారికి రూ.2.08 లక్షలు అందించింది. గత 20 నెలల్లో 146 శాతం లాభాన్ని వాటాదారులకి అందించింది. ప్రస్తుతం ఈ కంపెనీ మార్కెట్ విలువ రూ. 465 కోట్ల వద్ద ఉంది.

ఈ కథనం సమాచారం అందించడానికి మాత్రమే. కానీ, ఎలాంటి పెట్టుబడులను ప్రోత్సహించడం లేదు. స్టాక్ మార్కెట్లో పెట్టుబడులు చాలా రిస్క్ కలిగి ఉంటాయి. హైరిస్క్ తీసుకునే సామర్థ్యం ఉండి, పూర్తి అవగాహన ఉన్న వారు మాత్రమే ఎంట్రీ ఇవ్వడం మంచిది.