ట్రెండింగ్
బెంగళూరు జైలులో మొబైల్ ఫోన్లు వాడుతున్న ఖైదీలు
national | Suryaa Desk | Published : Mon, Nov 10, 2025, 03:58 PM
బెంగళూరులోని పరప్పన అగ్రహార జైలులోని ఖైదీలు మొబైల్ ఫోన్లు వాడుతున్న వీడియో ఒకటి బయటపడడం సంచలనం సృష్టించింది. ఈ ఘటనపై కర్ణాటక ప్రభుత్వం విచారణకు ఆదేశించింది. ఆ మరుసటి రోజే మరో వీడియో వెలుగులోకి వచ్చింది. ఇందులో ఖైదీలు ఏకంగా మద్యం పార్టీ చేసుకుంటూ, డ్యాన్సులు చేస్తూ సరదాగా గడుపుతూ కనిపించడంతో సర్వత్రా విమర్శలు వ్యక్తమవుతున్నాయి. అత్యాచారం, హత్యలు చేసి జైలుకు వచ్చిన ఖైదీలకు అధికారులు రాచమర్యాదలు చేస్తున్నారంటూ నెటిజన్లు మండిపడుతున్నారు. కాగా, అభిమాని హత్య కేసులో కన్నడ నటుడు దర్శన్ కూడా ఇదే జైలులో ఉండగా.. అప్పట్లో అతడికి జైలు అధికారులు అన్ని సౌకర్యాలు సమకూర్చినట్లు ఆరోపణలు వెల్లువెత్తాయి. జైలు ఆవరణలో కొంతమంది ఖైదీలతో దర్శన్ బాతాఖానీ వేస్తున్న ఫొటోలు వైరల్ అయ్యాయి.
|
|