ట్రెండింగ్
నోయిడా నిఠారీ వరుస హత్యల కేసులో సురేంద్ర కోలికి ఊరటనిచ్చిన సుప్రీంకోర్టు
national | Suryaa Desk | Published : Wed, Nov 12, 2025, 04:30 PM
దేశవ్యాప్తంగా సంచలనం సృష్టించిన నోయిడా నిఠారీ వరుస హత్యల కేసులో ప్రధాన నిందితుడు సురేంద్ర కోలిని సుప్రీంకోర్టు నిర్దోషిగా ప్రకటించింది. ఈ కేసులో మిగిలిన ఆరోపణల నుంచి కూడా అతడికి విముక్తి కల్పిస్తూ సంచలన తీర్పు వెలువరించింది. ప్రాసిక్యూషన్ ఆరోపణలను నిరూపించడంలో విఫలమైందని స్పష్టం చేస్తూ, దాదాపు 19 ఏళ్లుగా జైలులో ఉన్న కోలిని వెంటనే విడుదల చేయాలని ఆదేశించింది.భారత ప్రధాన న్యాయమూర్తి జస్టిస్ బీఆర్ గవాయ్ నేతృత్వంలోని త్రిసభ్య ధర్మాసనం ఈ తీర్పును వెలువరించింది. "నిందితుడిపై మోపిన నేరారోపణలు రుజువు కాలేదు. అందువల్ల అతడిని నిర్దోషిగా ప్రకటిస్తున్నాం" అని ధర్మాసనం స్పష్టం చేసింది. ఈ తీర్పుతో సురేంద్ర కోలి విడుదలకు మార్గం సుగమమైంది.
|
|