BP Solutions: హై బీపీని అర్థం చేసుకోండి, నియంత్రించండి—ఎలా?"
Health beauty | Suryaa Desk | Published : Sun, Nov 16, 2025, 08:11 PM
BP Solutions: ఈమధ్య కాలంలో బీపీ సమస్య చాలా మందిలో సాధారణంగా కనిపిస్తోంది. రోజుకు రెండు సార్లు ట్యాబ్లెట్లు వేసుకుంటే గానీ కంట్రోల్లో ఉండని పరిస్థితులు కనిపిస్తున్నాయి. అయితే తాజాగా సైంటిస్టులు ఆసక్తికరమైన అంశాన్ని బయటపెట్టారు.రోజూ కొద్దిసేపు నడక బీపీని కంట్రోల్ చేయడంలో ఒక విధమైన సహజ ‘మెడిసిన్’లా పనిచేస్తుందని వెల్లడించారు.ఆస్ట్రేలియాలోని వెస్టర్న్ యూనివర్సిటీ పరిశోధకులు 50–80 ఏళ్ల వయసు గల 35 మంది మహిళలు, 32 మంది పురుషులతో ఒక అధ్యయనం చేశారు. మొదటి ప్రయోగంలో పాల్గొన్న వారిని ఎనిమిది గంటల పాటు కేవలం కూర్చోబెట్టి తరువాత బీపీని పరీక్షించారు. రెండో ప్రయోగంలో, వారికి 30 నిమిషాలు నడిపించి, తర్వాత ఆరు గంటలు కూర్చోబెట్టారు. మూడో ప్రయోగంలో ఆరు గంటల పాటు కూర్చోబెట్టి, ప్రతి అరగంటకోసారి మూడు నిమిషాల వాకింగ్ ఇచ్చారు.ఈ మూడు దశల్లో తీసుకున్న బీపీ రీడింగ్స్లో, మొదటి ప్రయోగంలో పెద్దగా మార్పులు కనిపించలేదు. కానీ మిగతా రెండుసార్లలో మాత్రం బీపీ గణనీయంగా కంట్రోల్లోకి వచ్చినట్టు గుర్తించారు. ఆశ్చర్యకరంగా, ఈ ఫలితాలు మందుల ప్రభావంతో వచ్చే కంట్రోల్ స్థాయికే దగ్గరగా ఉన్నట్టు కనిపించింది. ఈ పరిశోధన నివేదికలను అమెరికన్ హార్ట్ అసోసియేషన్ కూడా ఆమోదించింది.ఈ అధ్యయనం ప్రకారం, రోజూ కొద్దిసేపు నడక బీపీని సమర్థవంతంగా నియంత్రించడానికి సహాయపడుతుందని తేలింది. వారానికి ఐదు రోజులపాటు కనీసం 20 నిమిషాల వాకింగ్ చేయాలని పరిశోధకులు సూచిస్తున్నారు.
|
|