ఇప్పుడు చెప్పినట్లు చేస్తే ,,,యాక్టివ్‌గా మారిపోతారు

కొన్నిసార్లు ఎలాంటి పనిచేయకుండా ఊరికే కూర్చోవాలని అనిపిస్తుంది. కానీ, ప్రతీసారి అలానే అనిపించడం సరికాదు. దీని వల్ల లైఫ్‌లో చాలా మంది ఇబ్బందులు పడతారు. ఇలా ఎప్పుడు కూడా నీరసంగా ఉండేవారు వారి లైఫ్‌లో ఎన్నో ఇబ్బందులు పడతారు. వారి ప్రొఫెషనల్ లైఫ్, పర్సనల్ లైఫ్ రెండూ కూడా ఇబ్బందుల్లో పడతాయి. అనుకున్నంతగా సక్సెస్ కాలేరు. వారి సక్సెస్‌కి ప్రతీసారి వారి లేజీనెస్ కారణమవుతుంది. రేపు చేయాల్సిన పనులు ఇంకా టైమ్ ఉందిలే అని వదిలేస్తారు. తీరా టైమ్‌కి అవి గుర్తుండవు. ఈ కారణంగా లేట్‌గా గుర్తొచ్చి దానిని చేయకుండా ఉండడం, చేసినా హడావిడిగా చేయడం వంటివి జరుతాయి. దీంతో ఆ వర్క్ క్వాలిటీ సరిగా ఉండదు. అలా కాకుండా ఉండాలంటే మనం ముందుగా లేజీనెస్‌ని పక్కకు పెట్టాలి. దీనికోసం ఏం చేయొచ్చో తెలుసుకోండి.

కొద్దికొద్దిగా పనులు చేయడం

దీనినే కైజెన్ అంటారు. అంటే మొత్తానికే చేయకుండా ఉండే బదులు కొద్దిసేపు చేసేలా చూడండి. ఓ గంట పని చేయాలనుకుంటే దానిని నిమిషాల చొప్పున విడదీయండి. కేవలం ఐదు నిమిషాలతో స్టార్ట్ చేయండి. కాసేపు గ్యాప్ తీసుకుని మళ్లీ చేయండి. మొత్తానికే చేయకుండా వదిలేసే బదులు ఇలా చేస్తే మీకే దానిపై ఇంట్రెస్ట్ పెరిగి మొత్తం పని పూర్తి చేసేలా చేస్తారు.

ఇష్టమైన పని చేయడం

మీకున్న పని చేయడానికి ఇబ్బందిగా అనిపించినప్పుడు అలా కాకుండా ఇష్టమైన పని చేయాలి. అప్పుడు మీకు చేసే పనిపై ఇంట్రెస్ట్ పెరిగి ఆటోమేటిగ్గా పనులు చేయాలనిపిస్తుంది. ఓ ఇన్సిపిరేషన్‌గా ఉంటుంది. మీలో లేజీనెస్ ఆటోమేటిగ్గా తగ్గుతుంది. కాబట్టి, ఈ సారి మీకు ఏదైనా పని చేయాలనిపించనప్పుడు నచ్చే పనులు చేసి చూడండి. దీంతో ఆటోమేటిగ్గా మీరే ఇన్‌స్పైర్ అవుతారు.

అధిక భారం లేకుండా

నేమావాషి అంటే మూలాలు వేయడం. పనిచేసే ముందు జాగ్రత్తగా ప్రణాళిక, తయారీని సూచిస్తుంది. వ్యక్తిగత ఉత్పాదకతలో ఇది ముందుగానే చిన్న దశలను సిద్ధం చేయడం, మీ వాతావరణాన్ని నిర్వహించడం, ఓ పనిని ప్రారంభించే ముందు అడ్డంకుల్ని తొలగించే ప్రయత్నం చేయండి. ఈ టెక్నిక్ కారణంగా వాయిదా వేయడాన్ని తగ్గిస్తుంది. మొదటి అడుగు వేడం, అధిక భారం లేకుండా స్పీడ్‌గా చేయడానికి హెల్ప్ అవుతుంది.

చేసే పనిపై దృష్టి పెట్టడం

షోషిన్ లేదా ప్రారంభ మనస్సు, జెన్ బౌద్ధమతం నుండి వచ్చింది. పనులని ఇష్టంగా చేయాలని చబుతుంది. మీ లేజీనెస్‌ని వదిలేయడానికి ఇది బాగా హెల్ప్ చేస్తుంది. దీని వల్ల వచ్చే రిజల్ట్ గురించి కాకుండా కేవలం మీరు చేసే పనిమీద, నేర్చుకోవడం, ప్రయోగాలు చేయడం గురించే ఆలోచించేలా చేస్తుంది. దీని వల్ల మీరు ఏ పనైనా మీరు హ్యాపీగా చేసేందుకు నిర్లక్ష్యాన్ని వదిలేలా చేస్తుంది.

పూర్తిగ స్ట్రెయిన్ అవ్వకముందే

హర హచి బు అనేది ఒకినావా నుండి వచ్చింది. దీని అర్థం 80 శాతం పని చేయడం. అంటే పూర్తిగా అలసిపోయేవరకూ పనిచేయకుండా కాస్తా ముందుగానే ఆపేయాలి. దీని వల్ల మీ శక్తి వృధా అవ్వదు. అన్నీ విషయాల్లో బ్యాలెన్స్‌గా ఉండాలి. దీంతో బ్యాలెన్స్ ఎనర్జీ మిమ్మల్ని బలంగా మారుస్తుంది. ఇలా సరైనవి ఫాలో అయితే చాలా వరకూ మీరు మీ లేజీనెస్‌ని వదిలేసి యాక్టివ్‌గా పనులు చేసుకోగలుగుతారు.