ట్రెండింగ్
మిస్ యూనివర్స్ 2025 పోటీల్లో భారత్కు నిరాశ
national | Suryaa Desk | Published : Fri, Nov 21, 2025, 01:33 PM
ప్రతిష్ఠాత్మక మిస్ యూనివర్స్ 2025 పోటీల్లో భారత్కు నిరాశ ఎదురైంది. దేశం తరఫున ప్రాతినిధ్యం వహించిన రాజస్థాన్లోని శ్రీ గంగానగర్కు చెందిన మానిక విశ్వకర్మ, టాప్ 12లో స్థానం సంపాదించలేకపోయింది. ఉత్సాహంగా పోటీల్లోకి అడుగుపెట్టిన ఆమె, టాప్ 30 వరకు చేరుకుని ఆశలు రేపింది.ఫైనల్స్లో భాగంగా జరిగిన స్విమ్సూట్ రౌండ్లో మానిక ప్రదర్శన న్యాయనిర్ణేతలను ఆకట్టుకోవడంలో విఫలమైంది. తెల్లటి మోనోకినీలో కనిపించిన ఆమె, ఈ రౌండ్లో తగినంతగా రాణించలేకపోవడంతో పోటీ నుంచి నిష్క్రమించింది. చైనా, కొలంబియా, థాయ్లాండ్, అమెరికా, మెక్సికో వంటి దేశాలతో పాటు మానిక టాప్ 30లో నిలిచినప్పటికీ, తదుపరి దశకు చేరుకోలేకపోయింది.
|
|