చంద్రబాబు కీలక అభివృద్ధి దృశ్యం – విశాఖ మెగాసిటీ వైపు

సీఎం చంద్రబాబు నాయుడు సూపర్ విజన్‌తో ఆంధ్రప్రదేశ్‌ను అత్యద్భుతంగా అభివృద్ధి చేస్తున్నారు. ముఖ్యంగా రాష్ట్రంలోని మూడు ప్రాంతాలకు సమతుల్యంగా అభివృద్ధి అందించే ప్రణాళికను రూపొందిస్తున్నారు.ఈ ప్రణాళికలో ఉత్తరాంధ్రలో విశాఖ, మధ్యాంధ్రలో అమరావతి, రాయలసీమలో తిరుపతి మెగా సిటీలుగా మారడం ప్రధాన లక్ష్యం. విశాఖను అంతర్జాతీయ స్థాయి కంపెనీలు ఆకర్షించేలా ప్రత్యేక ఏర్పాట్లు చేస్తున్నారు. ఇప్పటికే లక్షల కోట్ల పెట్టుబడులు విశాఖకు చేరుకున్నాయి.అంతర్జాతీయ ప్రమాణాలను దృష్టిలో పెట్టి, విశాఖను గ్లోబల్ సిటీ స్థాయిలో తీర్చిదిద్దుతున్నారు. ఒక గ్లోబల్ సిటీకి అవసరమైన అన్ని సౌకర్యాలను ఇప్పటికే ఏర్పాటు చేశారు. అంతర్జాతీయ కంపెనీలు రావాలంటే ఈ స్థాయి ఫెసిలిటీస్ తప్పనిసరి. అందుకే విశాఖకు కావాల్సిన అన్ని ఏర్పాట్లు ముందుగానే పూర్తిచేశారు.ఇప్పటికే గూగుల్ డేటా సెంటర్, టిసిఎస్, క్వాంటమ్ వంటి అంతర్జాతీయ కంపెనీలు విశాఖలో పెట్టుబడులు పెట్టడం పెద్ద అచీవ్‌మెంట్. ఇటీవల జరిగిన CII సమ్మిట్‌లో 600కు పైగా ఒప్పందాలు రూపుదిద్దుకున్నాయి. విద్యా సంస్థలు, మెగా ప్రాజెక్టులు ఏర్పడడం వల్ల విశాఖ నగర రూపం గణనీయంగా మారుతోంది.మరికొన్ని రోజుల్లోనే విశాఖను మెగాసిటీగా నామకరణం చేయడం, దానికి తగ్గ మెగా ప్లాన్‌ను కూడా విడుదల చేయడం జరుగనుంది. విశాఖ బ్రాండ్ దేశ సరిహద్దులు దాటి అంతర్జాతీయ బిజినెస్ ఫోరమ్‌లో పేరుగాంచింది. అమెరికా తరువాత గూగుల్ డేటా సెంటర్ విశాఖలో పెట్టుబడులు పెట్టడం విశాఖను పెట్టుబడులకు హబ్‌గా నిలిపింది. నారా లోకేష్ సైతం అంతర్జాతీయ కంపెనీలతో కలిసి విశాఖ గురించి ప్రచారం చేస్తూ పెట్టుబడులకు ప్రోత్సాహం అందిస్తున్నారు.