ఈ ఒక్క టీతో కొలెస్ట్రాల్‌తో పాటు బరువు తగ్గుతారు

ప్రస్తుత బిజీ లైఫ్‌స్టైల్‌లో ఆరోగ్యంగా, ఫిట్‌గా ఉండటం చాలా సవాల్‌తో కూడుకుంది. అందుకే చాలా మంది ఊబకాయం, కొలెస్ట్రాల్, డయాబెటిస్ వంటి సమస్యలతో బాధపడుతున్నారు. ఈ సమస్యల్ని తగ్గించుకోవడానికి ప్రజలు తరచుగా డైట్ ప్లాన్స్, వర్కౌట్స్ లేదా సప్లిమెంట్లపై ఆధారపడుతున్నారు.

అయితే చాలా మందికి ఫిట్‌నెస్ కోసం టైమ్ కేటాయించడం చాలా కష్టంగా ఉంటుంది. అలాంటి వారికి కొన్ని సహజ పరిష్కారాలు ప్రభావవంతంగా పనిచేస్తాయని నిపుణులు అంటున్నారు. ఇక, చాలా మందికి ఉదయాన్నే టీ తాగే అలవాటు ఉంది. అయితే, చాలా మంది టీ పొడి, పాలుతో చేసిన టీ తాగుతుంటారు. ఇది ఆరోగ్యానికి అంత మంచిది కాదు.

ఆరోగ్యానికి చాలా మేలు చేసే ఇంకొక టీ ఉంది. దీన్ని రోజూ తాగితే లెక్కలేనన్నీ ప్రయోజనాలు ఉన్నాయని డైటీషియన్ ప్రతిమా పాల్ అంటున్నారు. ఆ టీ ఎంటో కాదు లెమన్ గ్రాస్ టీ. లెమన్‌గ్రాస్ టీ తాగడం వల్ల చాలా ఆరోగ్య ప్రయోజనాలు ఉన్నాయి. లెమన్‌గ్రాస్ గడ్డిలా కనిపించినప్పటికీ, దీనికి చాలా ఔషధ గుణాలు ఉన్నాయి. దీని తాగడం వల్ల కలిగే ప్రయోజనాలు, ఎలా తయారు చేసుకోవాలో ఇప్పుడు చుద్దాం.

జీర్ణక్రియను బలపరుస్తుంది

హెల్త్‌లైన్‌లో ప్రచురితమైన ఒక నివేదిక ప్రకారం లెమన్‌గ్రాస్ టీ జీర్ణవ్యవస్థను బలపరుస్తుంది. ఇది జీర్ణక్రియను మెరుగుపరుస్తుంది. ఉబ్బరం, గ్యాస్, ఎసిడిటీ వంటి సమస్యలకు చక్కటి పరిష్కారం లెమన్ గ్రాస్ టీ. దీనిని తీసుకోవడం వల్ల కడుపు పూర్తిగా క్లీన్ అవుతుంది. ఈ టీ కడుపు వ్యాధులకు చాలా ప్రయోజనకరంగా ఉంటుంది. ఇది వాంతులు, విరేచనాలు, కడుపు నొప్పి నుంచి ఉపశమనాన్ని అందిస్తుంది.

కొలెస్ట్రాల్‌ని నియంత్రిస్తుంది

ఈ రోజుల్లో చాలా మంది అధిక కొలెస్ట్రాల్ సమస్యతో బాధపడుతున్నారు. అలాంటివారికి లెమన్‌గ్రాస్ టీ మంచి ఆప్షన్. లెమన్‌గ్రాస్ టీని క్రమం తప్పకుండా తాగడం వల్ల కొలెస్ట్రాల్ నియంత్రణలో ఉంటుంది. ఇది చెడు కొలెస్ట్రాల్‌ను తగ్గిస్తుంది. అధిక కొలెస్ట్రాల్ గుండెకు ప్రమాదం కలిగిస్తుంది. రోజూ లెమన్‌గ్రాస్ టీ తాగడం వల్ల చెడు కొలెస్ట్రాల్ స్థాయిలు తగ్గి.. గుండెకు మేలు జరుగుతుంది.

బరువు తగ్గడం

అధిక బరువుతో బాధపడేవారికి లెమన్‌గ్రాస్ టీ బెస్ట్ ఆప్షన్ అంటున్నారు డైటీషియన్. ప్రతిరోజూ లెమన్‌గ్రాస్ టీ తాగితే ఊబకాయాన్ని తగ్గించుకోవచ్చు. లెమన్‌గ్రాస్ టీ జీవక్రియను పెంచుతుంది. కొవ్వును బర్న్ చేస్తుంది. దీంతో.. ఇది త్వరగా బరువును నియంత్రించడంలో సాయపడుతుందని ఎక్స్‌పర్ట్ అంటున్నారు.

డైటీషియన్ ఏం చెప్పారంటే

రక్తపోటును నియంత్రిస్తుంది

లెమన్‌గ్రాస్ టీ రక్త నాళాలను విస్తరించే, రక్త ప్రసరణను మెరుగుపరుస్తుంది. దీనికి అధిక రక్తపోటును తగ్గించే సామర్థ్యం ఉంది. దీంతో, ఆరోగ్యకరమైన రక్తపోటును నిర్వహించడానికి సాయపడుతుంది. లెమన్‌గ్రాస్ టీ హై బీపీని తగ్గించడంలో సాయపడుతుందని నిపుణులు అంటున్నారు.

రోగనిరోధక శక్తిని పెంచుతుంది

లెమన్‌గ్రాస్ టీలో యాంటీఆక్సిడెంట్లు పుష్కలంగా ఉన్నాయి. ఇవి రోగనిరోధక శక్తిని బలోపేతం చేయడానికి సాయపడతాయి. దీంతో వ్యాధులు, ఇన్ఫెక్షన్ల నుంచి రక్షణ వస్తుంది. లెమన్‌గ్రాస్ టీలో యాంటీమైక్రోబయల్ లక్షణాలు ఉన్నాయి.

ఇవి నోటి ఇన్ఫెక్షన్లు, కావిటీస్ చికిత్సకు సాయపడతాయి. లెమన్‌గ్రాస్ యాంటీ బాక్టీరియల్ లక్షణాలను కలిగి ఉంది. ఇది అనేక రకాల బ్యాక్టీరియా, శిలీంధ్రాలకు వ్యతిరేకంగా ప్రభావవంతంగా ఉంటుంది. లెమన్‌గ్రాస్ టీని క్రమం తప్పకుండా తీసుకోవడం వల్ల ఇన్ఫెక్షన్లను నివారించవచ్చు.

ఇంకా ఎన్నో ప్రయోజనాలు

ఈ టీ యొక్క సువాసన, దాని సహజ పదార్థాలు మానసిక ఒత్తిడి, ఆందోళన, అలసట నుంచి రిలీఫ్ అందించడంలో సాయపడతాయి. దీని తాగడం వల్ల మనసు ప్రశాంతంగా ఉంటుంది. ఇది మంచి నిద్రను ప్రోత్సహిస్తుంది.

లెమన్‌గ్రాస్ టీ జుట్టు రాలడాన్ని తగ్గిస్తుంది. అంతేకాకుండా లోపలి నుంచి ఆరోగ్యకరమైన చర్మాన్ని ప్రోత్సహిస్తుంది. ఇది వృద్ధాప్య ఛాయల్ని కూడా తగ్గిస్తుంది.

లెమన్‌గ్రాస్ టీలో శోథ నిరోధక ప్రభావాలు కలిగి ఉన్న సమ్మేళనాలు ఉన్నాయి. ఇవి శరీరంలో మంటను తగ్గించడంలో సాయపడతాయి. ఆర్థరైటిస్ వాపు, నొప్పిని తగ్గించడంలో కూడా మేలు చేస్తుంది.

లెమన్‌గ్రాస్ టీ ఎలా తయారు చేయాలి?

ఒక కప్పు నీటిలో 1-2 టీస్పూన్ల తాజా లేదా ఎండిన నిమ్మగడ్డిని వేసి, 5-7 నిమిషాలు మరిగించండి. ఆ తర్వాత వడకట్టి తాగండి. మీరు కావాలనుకుంటే రుచితో పాటు ఇతర ప్రయోజనాలు పొందడానికి అల్లం, తులసి లేదా తేనెను జోడించవచ్చు.