WPL 2026 Auction List: ప్లేయర్ల వేలం లిస్ట్ విడుదల.. 73 స్థానాల కోసం 277 మంది పోటీ!
sports | Suryaa Desk | Published : Fri, Nov 21, 2025, 11:48 PM
మహిళల ప్రీమియర్ లీగ్ (WPL) 2026 కోసం రంగం సిద్ధమైంది. WPL 2026 ప్లేయర్ల వేలా జాబితాను భారత క్రికెట్ నియంత్రణ మండలి (BCCI) విడుదల చేసింది.వేలా కోసం మొత్తం 277 మంది ప్లేయర్స్ లిస్ట్లో ఉన్నారు. వీరు ఐదు ఫ్రాంచైజీల 73 స్థానాల కోసం పోటీ పడనున్నారు. వేలా ఈ సంవత్సరం నవంబర్ 27న న్యూఢిల్లీలో జరగనుంది. గత సీజన్లో 120 మంది ఆటగాళ్లు మాత్రమే వేలంలో పాల్గొన్నారు.277 మంది ప్లేయర్స్లో 194 మంది భారతీయులు. వీరిలో 52 మంది ఇప్పటికే జాతీయ జట్టులో ఆడిన క్యాప్డ్ ప్లేయర్స్, 142 మంది అన్క్యాప్డ్ ప్లేయర్స్. 50 స్థానాలు భారతీయ ఆటగాళ్ల కోసం లభించనున్నాయి. విదేశీ ఆటగాళ్లలో 66 మంది క్యాప్డ్, 17 మంది అన్క్యాప్డ్ ఉన్నారు. వీరు మొత్తం 23 స్థానాల కోసం పోటీ పడతారు. BCCI ప్లేయర్స్ బేస్ ప్రైస్తో కూడిన పూర్తి లిస్ట్ను కూడా విడుదల చేసింది.భారత స్టార్లు దీప్తి శర్మ, రేణుక సింగ్ ఠాకూర్ వేలా లిస్ట్లో ఉన్నారు. అంతర్జాతీయ ఆటగాళ్లలో న్యూజిలాండ్ నుండి సోఫీ డివైన్, అమేలియా కెర్, ఇంగ్లాండ్ నుండి సోఫీ ఎక్లెస్టోన్, ఆస్ట్రేలియా నుంచి అలిస్సా హీలీ, మెగ్ లానింగ్, దక్షిణాఫ్రికా నుండి లారా వోల్వార్డ్ట్ ఉన్నాయి.బేస్ ప్రైస్ కేటగిరీలు ఇలా ఉన్నాయి: 19 మంది ప్లేయర్స్ 50 లక్షల కేటగిరీలో, 11 మంది 40 లక్షల కేటగిరీలో, 88 మంది 30 లక్షల కేటగిరీలో ఉన్నారు.
|
|