బ్యాంక్ ఆఫ్ ఇండియాలో 115 స్పెషలిస్ట్ ఆఫీసర్ ఉద్యోగాలు.. లకు ₹1.20 లక్షల వరకు జీతం!

బ్యాంక్ ఆఫ్ ఇండియా (BOI) స్పెషలిస్ట్ ఆఫీసర్ (SO) పోస్టుల భర్తీకి భారీ నోటిఫికేషన్ విడుదల చేసింది. మొత్తం 115 ఖాళీలను ఈ రిక్రూట్‌మెంట్ ద్వారా భర్తీ చేయనున్నారు. ఐటీ, డేటా అనలిటిక్స్, రిస్క్ మేనేజ్‌మెంట్ వంటి రంగాల్లో నైపుణ్యం ఉన్న అభ్యర్థులకు ఇది అద్భుతమైన అవకాశం. ప్రభుత్వ రంగ బ్యాంకులో స్థిరమైన కెరీర్ కోసం చూస్తున్న వాళ్లు ఈ అవకాశాన్ని అస్సలు మిస్ చేయొద్దు.
అర్హతల విషయానికొస్తే B.Tech, B.E, M.Tech, MCA, MSc (సంబంధిత స్పెషలైజేషన్‌తో) పూర్తి చేసిన వాళ్లు దరఖాస్తు చేసుకోవచ్చు. పోస్టు మరియు స్పెషలైజేషన్ ఆధారంగా అర్హతలు కొద్దిగా మారవచ్చు. దరఖాస్తు చేసుకోవడానికి ఆఖరు తేదీ నవంబరు 30, 2025. ఆసక్తి ఉన్న అభ్యర్థులు త్వరగా అప్లై చేసుకోవడం మంచిది, లాస్ట్ డేట్ దగ్గర పడుతుంది.
ఎంపిక ప్రక్రియ రెండు దశల్లో జరుగుతుంది – ముందుగా ఆన్‌లైన్ రాత పరీక్ష, తర్వాత పర్సనల్ ఇంటర్వ్యూ. రాత పరీక్షలో ప్రొఫెషనల్ నాలెడ్జ్, ఇంగ్లీష్, రీజనింగ్, క్వాంటిటేటివ్ ఆప్టిట్యూడ్ సెక్షన్లు ఉంటాయి. ఈ దశలో మెరిట్ సాధించిన వాళ్లకు మంచి స్కేల్-1 మరియు స్కేల-2 జీతం లభిస్తుంది. ప్రారంభ జీతం రూ.64,820 నుంచి గరిష్ఠంగా రూ.1,20,940 వరకు ఉంటుంది (DA, HRA సహా).
దరఖాస్తు ఫీజు జనరల్/OBC/EWS అభ్యర్థులకు రూ.850, అయితే SC/ST/PWBD అభ్యర్థులకు కేవలం రూ.175 మాత్రమే. అధికారిక వెబ్‌సైట్ https://bankofindia.bank.in లో ఆన్‌లైన్‌లోనే దరఖాస్తు చేసుకోవాలి. నోటిఫికేషన్ పూర్తి వివరాలు, సిలబస్, పోస్టుల వారీగా ఖాళీల సంఖ్య చూసుకుని వెంటనే అప్లై చేయండి – మీ కలల బ్యాంక్ జాబ్ ఒక క్లిక్ దూరంలో ఉంది!