ట్రెండింగ్
నిలకడగా బంగారం, వెండి ధరలు
Andhra Pradesh Telugu | Suryaa Desk | Published : Sat, Nov 22, 2025, 04:18 PM
బంగారం, వెండి ధరలు ఈ వారం అస్థిరంగా కొనసాగాయి. ప్రపంచ వాణిజ్య రంగంలో ఉపశమన సంకేతాలు, అమెరికా ఫెడ్ రిజర్వ్ డిసెంబర్లో వడ్డీ రేట్లు తగ్గింపు అంచనాలు బలహీనపడటం, డాలర్ ఇండెక్స్ బలంగా ఉండటం వంటి కారణాల వల్ల ఈ విలువైన లోహాల ధరల్లో హెచ్చుతగ్గులు చోటుచేసుకున్నాయి.ఇండియన్ బులియన్ అండ్ జ్యువెలర్స్ అసోసియేషన్ (ఐబీజేఏ) తెలిపిన వివరాల ప్రకారం, ఈ వారం ప్రారంభంలో (సోమవారం) రూ. 1,22,432గా ఉన్న బంగారం ధర శుక్రవారం రూ. 1,22,653 వద్ద ముగిసింది. ఈ వారంలో మంగళవారం రూ.1,21,691 కనిష్ఠ స్థాయికి చేరిన బంగారం, బుధవారం రూ.1,23,388 గరిష్ఠ ధరను తాకింది. వెండి ధర కిలో రూ.1,51,129కి చేరింది. సోమవారం రూ.1,54,933 వద్ద ప్రారంభమైన వెండి ధరల్లో కూడా హెచ్చుతగ్గులు కనిపించాయి. అంతర్జాతీయ మార్కెట్ కామెక్స్లో బంగారం ఔన్స్ ధర 4,079.5 డాలర్ల వద్ద ముగిసింది.
|
|