వెడ్డింగ్ రింగ్ లేకుండా ఉషా చిలుకూరి,,,జేడీ వాన్స్‌తో విడాకుల ప్రచారం

అగ్రరాజ్యం అమెరికా ఉపాధ్యక్షుడు జేడీ వాన్స్.. ఆయన భార్య ఉషా చిలుకూరితో విడాకులు తీసుకుంటున్నట్లు ఇటీవల ప్రచారం జరిగింది. ఇటీవల ఆయన మిస్సిసిప్పి యూనివర్సిటీలో జరిగిన టీపీయూఎస్‌ఏ కార్యక్రమంలో పాల్గొని.. అక్కడే ఎరికా కిర్క్‌నను కౌగిలించుకున్నారు. ఇందుకు సంబంధించిన వీడియోలు సోషల్ మీడియాలో తెగ వైరల్‌ అయ్యాయి. ఆ తర్వాత ఉషా మతం మారుతుందని జేడీ వాన్స్ పేర్కొనడం తీవ్ర చర్చనీయాంశమైంది. దీనికి తోడు ఇటీవల ఉషా తన వెడ్డింగ్ రింగ్ లేకుండా కనిపించారు. దీంతో వీరిద్దరి విడాకులు తీసుకోబోతున్నట్లు జోరుగా ప్రచారం జరిగింది. అయితే ఈ ప్రచారంపై ఉషా చిలుకూరి టీమ్ క్లారిటీ ఇచ్చేసింది.

అమెరికా ఫస్ట్‌లేడీ మెలానియా ట్రంప్‌తో కలిసి ఉషా చిలుకూరి ఇటీవల నార్త్‌ కరోలినాలో జరిగిన మెరైన్‌ కోర్‌ సెంటర్‌ను సందర్శించారు. ఆ సమయంలో ఉషా తన వెడ్డింగ్‌ రింగ్‌ ధరించలేదు. తాజాగా దీనిపై స్పందించిన ఉషా వాన్స్‌ ప్రతినిధి.. ఆమె ముగ్గురు చిన్న పిల్లల తల్లి అని.. ఆమె చాలా పాత్రలు కడగాల్సి ఉంటుందని పేర్కొన్నారు. అంతేకాకుండా ఆమె పిల్లలకు చాలా సార్లు స్నానం చేయించాలని చెప్పారు. ఈ క్రమంలో కొన్ని సార్లు ఉంగరం మర్చిపోవడం సహజం అని వెల్లడించారు. దీంతో వీరిద్దరి విడాకుల రూమర్లకు తెరదించినట్లు అయింది. జేడీ వాన్స్, ఉషాకు.. ఇవాన్ (8), వివేక్ (5), మిరాబెల్ (3) పిల్లలు ఉన్నారు.

'జేడీ వాన్స్‌లో నా భర్త పోలికలు..'

అమెరికన్ కన్జర్వేటివ్ కార్యకర్త అయిన చార్లీ కిర్క్‌ను ఉటాలోని ఉటా వ్యాలీ విశ్వవిద్యాలయంలో విద్యార్థులను ఉద్దేశించి ప్రసంగిస్తున్న సమయంలో కాల్చి చంపారు. కిర్క్ గన్‌ కల్చర్‌పై మాట్లాడుతున్నప్పుడే.. ఆయన మెడపై కాల్పులు జరిపడం గమనార్హం. దీంతో కిర్క్ వెంటనే అక్కడికక్కడే కుప్పకూలిపోయారు. చార్లీ మరణం నేపథ్యంలో మిసిసిప్పీ యూనివర్సిటీలో జరిగిన ఓ కార్యక్రమంలో.. చార్లీ కిర్క్ భార్య ఎరికా కిర్క్.. ఉపాధ్యక్షుడు జేడీ వాన్స్‌ను సభకు పరిచయం చేశారు. ఈ సందర్భందా మాట్లాడిన ఎరికా.. 'నా భార్త స్థానాన్ని ఎవరూ భర్తీ చేయలేరు. కానీ నా భర్తలో ఉన్న కొన్ని పోలికలు.. ఉపాధ్యక్షుడు జేడీ వాన్స్‌లో కనిపిస్తున్నాయి. అందుకే ఆయన్ను పరిచయం చేసే అవకాశం నాకు కలిగింది' అని చెప్పారు. అనంతరం స్టేజ్‌పై వారిద్దరు హగ్ చేసుకున్నారు. దీంతో ఒక్కసారిగా వారిద్దరి మధ్య సంబంధం ఉందంటూ రూమర్లు గుప్పుమన్నాయి. దీంతో పాటు గత నెలలో హిందువు అయిన తన భార్య.. భవిష్యత్తుల్లో క్రిస్టియానిటీని ఫాలో అవుతుందని ఆశిస్తున్నట్లు జేడీ వాన్స్ వ్యాఖ్యానించారు. దీంతో ఉషా, జేజీ వాన్స్ విడిపోతున్నారనే ప్రచారం ప్రారంభమైంది. తాజాగా ఉషా టీమ్ ఈ రూమర్లకు చెక్ పెట్టింది.