దక్షిణ మధ్య రైల్వే పరిధిలో.. ఈ రైళ్లు రద్దు

రైలు ప్రయాణికులకు ముఖ్య అలర్ట్. దక్షిణ మధ్య రైల్వే (ఎస్‌సీఈర్) పరిధిలో గోదావరి- రాజమండ్రి, రాజమండ్రి- కడియం సెక్షన్లలో ఆధునికీకరణ నిర్మాణ పనులు చేపట్టారు. ఈ నేపథ్యంలో జనవరిలో 16 రైళ్లను తాత్కాలికంగా రద్దు చేశారు. ఈ మేరకు వాల్తేరు సీనియర్‌ డీసీఎం కె పవన్‌ కుమార్‌ వివరాలు వెల్లడించారు. కాగా, రైలు ప్రయాణికులు రైళ్ల రద్దు విషయాన్ని దృష్టిలో పెట్టుకోవాలని సూచించింది. మార్పులకు అనుగుణంగా తమ ప్రయాణాన్ని షెడ్యూల్ చేసుకోవాలని చెప్పింది.

రద్దై అయిన రైళ్ల వివరాలివే..

జనవరి 27న

తిరుపతి - పూరి ఎక్స్‌ప్రెస్‌ (17480)

జనవరి 28న

పూరి - తిరుపతి ఎక్స్‌ప్రెస్‌ (17479)

తిరుపతి - విశాఖ డబుల్‌ డెక్కర్‌ (22708)

జనవరి 28, 29 తేదీల్లో

విశాఖపట్నం - లింగంపల్లి జన్మభూమి ఎక్స్‌ప్రెస్‌ (12805)

మచిలిపట్నం - విశాఖ ఎక్స్‌ప్రెస్‌ (17219)

జనవరి 29న

విశాఖ - తిరుపతి డబుల్‌ డెక్కర్‌ (22707)

జనవరి 29, 30 తేదీల్లో

లింగంపల్లి - విశాఖ జన్మభూమి ఎక్స్‌ప్రెస్‌ (12806),

విశాఖ - మచిలీపట్నం ఎక్స్‌ప్రెస్‌ (17220)

జనవరి 28, 30 తేదీల్లో

గుంటూరు - విశాఖ సింహాద్రి ఎక్స్‌ప్రెస్‌ (17239)

జనవరి 29, 31 తేదీల్లో

విజయవాడ - విశాఖ రత్నాచల్‌ ఎక్స్‌ప్రెస్‌ (12718)

విశాఖపట్నం - విజయవాడ రత్నాచల్‌ ఎక్స్‌ప్రెస్‌ (12717)

విశాఖ-గుంటూరు సింహాద్రి ఎక్స్‌ప్రెస్‌ (17240)

రాజమండ్రి - విశాఖ మెము పాసింజర్‌ (67285)

విశాఖ - రాజమండ్రి మెము పాసింజర్‌ (67286)

జనవరి 31న

గుంటూరు - విశాఖ డబుల్‌ డెక్కర్‌ ఉదయ్‌ ఎక్స్‌ప్రెస్‌ (22876)

విశాఖ - గుంటూరు డబుల్‌ డెక్కర్‌ ఉదయ్‌ ఎక్స్‌ప్రెస్‌ (22575)

శబరిమలకు ప్రత్యేక రైళ్లు ..

మరోవైపు అయ్యప్ప భక్తుల సౌకర్యార్థం దక్షిణ మధ్య రైల్వే చర్యలు తీసుకుంటోంది. అందులో భాగంగా ఇటీవల భారీ సంఖ్యలో ప్రత్యేక రైళ్లను ప్రకటించింది. దాదాపు రెండున్నర నెలల పాటు కొనసాగే ఈ ప్రత్యేక సేవలు.. యాత్రికులకు సురక్షితమైన, సౌకర్యవంతమైన ప్రయాణాన్ని అందిస్తాయి. భారత్‌లోని ప్రసిద్ధ పుణ్యక్షేత్రాలలో కేరళలో ఉన్న శబరిమల ఒకటి. అయ్యప్ప స్వామి కొలువై ఉన్న ఈ పుణ్యక్షేత్రానికి దేశవిదేశాల నుంచి భక్తులు వస్తుంటారు. తెలుగు రాష్ట్రాల నుంచి కూడా భారీ సంఖ్యలో భక్తులు శబరిమలకు తరలివెళ్తారు. ముఖ్యంగా మండల పూజ, మకర విలుక్కు పండుగ సమయంలో అయ్యప్ప స్వాములు ఎక్కువగా వస్తారు. నవంబర్, డిసెంబర్, జనవరి నెలల్లో తెలుగు రాష్ట్రాల నుంచి ఎక్కువ మంది భక్తులు శబరిమల తరలివెళ్తారు.