“పాకిస్తాన్‌కి ఫిన్లాండ్ షాక్: రాయబార కార్యాలయం మూసివేత”

పాకిస్తాన్ ఎంత ఇన్వైట్ చేసినా, ఇతర ముస్లిం దేశాలు పట్టించుకోవడం లేదు. సౌదీ అరేబియా, యూఏఈ వంటి ఇస్లామిక్ దేశాలు పాకిస్తానీయులకు నో ఎంట్రీ బోర్డు వేస్తున్నాయి.పాకిస్తాన్ నుంచి వెళ్లిన కొందరు అక్కడ భిక్షాటన, నేరాలకు పాల్పడటంతో ఈ దేశాలు పాకిస్తానీయులకు వీసాలు మంజూరు చేయడం మానేసాయి.ఇలా ఉన్నప్పటికీ, తాజాగా పాకిస్తాన్ మరో షాక్ ఎదుర్కొంది. ఆపరేషనల్ మరియు వ్యూహాత్మక కారణాలను సూచిస్తూ, ఫిన్లాండ్ పాకిస్తాన్‌లో తన రాయబార కార్యాలయాన్ని మూసివేయనుంది. అదే విధంగా ఆఫ్గనిస్తాన్, మయన్మార్‌లో కూడా ఫిన్లాండ్ ఎంబసీలను మూసివేస్తున్నట్లు ప్రకటించింది.ఫిన్లాండ్ విదేశాంగ మంత్రి శుక్రవారం విడుదల చేసిన ప్రకటనలో చెప్పారు:"2026లో ఇస్లామాబాద్, కాబూల్, యాంగోన్‌లోని ఫిన్లాండ్ రాయబార కార్యాలయాలను మూసివేయాలని విదేశాంగ మంత్రిత్వ శాఖ నిర్ణయించింది. ఆపరేషనల్ మరియు వ్యూహాత్మక కారణాల వల్ల ఈ కార్యాలయాలు మూసివేయబడతాయి. ఇది దేశాల రాజకీయ పరిస్థితులు మరియు ఫిన్లాండ్‌తో పరిమిత వాణిజ్య, ఆర్థిక సంబంధాలతో ముడిపడింది."ఫిన్లాండ్ మంత్రిత్వ శాఖ తెలిపింది, పాకిస్తాన్ సహా మూడు దేశాల్లో రాయబార కార్యాలయాలు మూసివేయడానికి సన్నాహాలు ఇప్పటికే మొదలయ్యాయని. వ్యూహాత్మక సమీక్షలో భాగంగా ఈ నిర్ణయం తీసుకున్నట్లు చెప్పారు. ముఖ్యమైన దేశాలకు వనరులను కేంద్రీకరించడం ఫిన్లాండ్ వ్యూహంలో ముఖ్యమని పేర్కొన్నారు.ఇది పాకిస్తాన్‌కు "మాకు ఈ దేశం అవసరం లేదు" అని స్పష్టంగా సూచిస్తున్నట్లు కనిపిస్తుంది. ఫిన్లాండ్ 2012లో పాకిస్తాన్‌లో రాయబార కార్యాలయాన్ని బడ్జెట్ పరిమితుల కారణంగా మూసివేసింది, 2022లో మళ్లీ ప్రారంభించింది. 2026లో మళ్లీ మూసివేయనుంది. ఇదే సమయంలో 2023లో స్వీడన్ భద్రతా కారణాల వలన పాక్‌లోని తన ఎంబసీని నిరవధికంగా మూసేసింది.