ఇలా వండితే మటన్ ముక్క మెత్తగా, టేస్టీగా వస్తుంది

ఆదివారం వచ్చిదంటే చాలు ముక్క తినాల్సిందే. నాన్ వెజ్ ప్రియులకు సండే అంటే పండగతో సమానం. చికెన్, మటన్, చేపలు, రొయ్యలు వండుకుని తింటారు. ఇక, మటన్ ఖరీదు ఎక్కువ కాబట్టి.. చాలా మంది సండే రోజును వండుకుని తినడానికి ఆసక్తి చూపుతారు. అయితే, చాలా సార్లు వండిన మటన్ చాలా గట్టిగా ఉంటుంది. నమలడానికి ఎక్కువ సేపు పడుతుంది. దీంతో, రుచి మొత్తం పాడవుతుంది. ఒక చిన్న తప్పు చేసినా మటన్ ముక్క గట్టిగా మారుతుంది. అందుకే మటన్ వండేటప్పుడు కొన్ని విషయాల్ని గుర్తించుకోవాలి. ఇప్పుడు చెప్పే కొన్ని చిట్కాలు ఫాలో అయితే మటన్ ముక్క మెత్తగా ఉడకడమే కాకుండా దాని రుచి రెట్టింపు అవుతుంది. ఆ చిట్కాలేంటి, మటన్ ఎలా వండాలో ఇప్పుడు తెలుసుకుందాం.

 సరైన మటన్ కట్స్ చాలా అవసరం

మటన్ తయారీకి సరైన కటింగ్ చాలా అవసరం. ఇది వంటను సులభతరం చేస్తుంది. దుకాణం నుంచి మటన్ కొనుగోలు చేసేటప్పుడు, ముందు కాళ్ళు, భుజాలు, వెనుక కాళ్ళు, పక్కటెముకలు, మెడ ప్రాంతాలపై ప్రత్యేక శ్రద్ధ వహించండి.

ఎందుకంటే ఈ ప్రాంతాలు చాలా రుచిని కలిగి ఉంటాయి. అంతేకాకుండా ప్రతి భాగాన్ని ఎలా వండాలో కూడా తెలుసుకోవాలి. పక్కటెముకల్ని గ్రిల్ చేస్తేనే రుచి వస్తుంది. వాటిలో కొవ్వు పొర ఉంటుంది. ఇది మటన్ రుచిని కరిగించి రెట్టింపు చేస్తుంది. మటన్ ముక్కలు చిన్న చిన్నగా ఉంటే బాగా ఉడుకుతాయని గుర్తించుకోండి.

సరైన మ్యారినేషన్ కూడా ముఖ్యం

మటన్‌ను చికెన్ లాగానే మ్యారినేట్ చేయాలి. కానీ మ్యారినేట్ చేసే పద్ధతి, రెండింటికీ సమయం గణనీయంగా భిన్నంగా ఉంటాయి. చికెన్‌ను మ్యారినేట్ చేసి ఓ గంట పక్కన ఉంచితే సరిపోతుంది. అయితే, మటన్‌ను మ్యారినేట్ చేసి కనీసం రెండు లేదా మూడు గంటలైనా పక్కన ఉంచాలి. మటన్‌ను సరిగ్గా ఉడికించాలనుకుంటే, దానిని రాత్రంతా ఫ్రిజ్‌లో ఉంచండి. ఇది మటన్‌ను సరిగ్గా మ్యారినేట్ చేయడానికి సాయపడుతుంది.

మటన్‌ను ఎలా మ్యారినేట్ చేయాలి

ఇందుకోసం ఓ పెద్ద పాత్ర తీసుకోండి. మీరు ఒక కిలో మటన్ వండుకుంటే.. 250 గ్రాముల పెరుగు అవసరం. 1 టీస్పూన్ పసుపు, 1 టీస్పూన్ ఎర్ర కారం, 1 టీస్పూన్ అల్లం, వెల్లుల్లి పేస్ట్, 1 టీస్పూన్ నల్ల మిరియాలు, నిమ్మరసం, 2 టీస్పూన్ల ఉప్పు జోడించండి. ఇప్పుడు ఈ పేస్ట్‌తో మటన్‌ను బాగా కలపండి. ఆ తర్వాత దీనిని ఫ్రిజ్‌లో ఉంచుకోండి.

మటన్ ఎలా ఉడికించాలి?

కూరగాయల నుంచి మాంసాహార ఆహారం వరకు ప్రతిదీ వండడానికి ఒక పద్ధతి ఉంది. అలాగే, ఏదైనా వండేటప్పుడు గ్యాస్ మంటపై ప్రత్యేక శ్రద్ధ వహించాలి. మటన్‌ను అధిక మంట మీద లేదా ఎక్కువసేపు ఉడికించకూడదు. ఇది మటన్‌ను గట్టిగా చేస్తుంది, తినడానికి కష్టతరం చేస్తుంది. అందువల్ల, తక్కువ మంట మీద మటన్‌ను ఉడికించాలి. ఇది జ్యుసిగా మారుతుంది. తక్కువ మంట మీద ఉడికించడం వల్ల దాని రుచి పెరుగుతుంది. తక్కువ మంట మీద కనీసం మూడు గంటల పాటు ఉడికిస్తే మటన్ రుచి పెరుగుతుంది.

మ్యారినేషన్ కష్టమైతే ఈ ట్రిక్ ఫాలో అవ్వండి

మీకు మ్యారినేట్ చేయడానికి తగినంత సమయం లేకపోతే.. మటన్ మీద ఉప్పు రుద్ది.. ఉడికించే ముందు రెండు గంటల పాటు అలాగే ఉంచండి. కండరాల ఫైబర్‌ను విచ్ఛిన్నం చేయడానికి ఉప్పు బాగా పనిచేస్తుంది. అయితే, వండేటప్పుడు ఎక్కువ ఉప్పు వేయకండి. అల్రెడీ ఉప్పుతో మ్యారినేట్ చేశామని గుర్తించుకోండి. ఈ చిట్కాలతో ప్రతిసారీ జ్యుసిగా, మటన్ మెత్తగా మారుతుంది.