రైలులో ఒంటరిగా మహిళలు జాగ్రత్త
national | Suryaa Desk | Published : Sun, Dec 14, 2025, 04:40 PM
రైలులో ఒంటరిగా ప్రయాణిస్తున్న ఓ మహిళకు భయానక అనుభవం ఎదురైంది. బీహార్లోని కతిహార్ జంక్షన్లో సుమారు 30-40 మంది యువకులు ఒక్కసారిగా కోచ్లోకి దూసుకురావడంతో, ఆమె భయంతో టాయిలెట్లోనే ఉండిపోవాల్సి వచ్చింది. వెంటనే ఆమె రైల్వే హెల్ప్లైన్కు సమాచారం అందించడంతో, రైల్వే ప్రొటెక్షన్ ఫోర్స్ (ఆర్పీఎఫ్) సిబ్బంది వచ్చి ఆమెను రక్షించారు.ఓ మహిళ రైలులో ఒంటరిగా ప్రయాణిస్తోంది. రైలు కతిహార్ జంక్షన్లో ఆగడంతో ఆమె వాష్రూమ్కు వెళ్లింది. అదే సమయంలో, సుమారు 30-40 మంది యువకులు కేకలు వేస్తూ, ఒకరినొకరు తోసుకుంటూ ఆ కోచ్లోకి ప్రవేశించారు. వాష్రూమ్ డోర్ వద్ద కూడా గుంపుగా చేరడంతో, ఆమె బయటకు రాలేకపోయింది. లోపలే చిక్కుకుపోయిన ఆమె, ఆందోళనతో వెంటనే రైల్వే హెల్ప్లైన్ నంబర్ 139కు ఫోన్ చేసి సహాయం కోరింది.సమాచారం అందుకున్న ఆర్పీఎఫ్ సిబ్బంది హుటాహుటిన అక్కడికి చేరుకున్నారు. కోచ్లోని గుంపును చెదరగొట్టి, ఆమెను సురక్షితంగా తన సీటు వద్దకు చేర్చారు. ఈ భయానక అనుభవాన్ని వివరిస్తూ ఆమె సోషల్ మీడియా ప్లాట్ఫామ్ 'ఎక్స్'లో ఒక పోస్ట్ పెట్టింది."ఒంటరి ప్రయాణంలో భద్రతాపరమైన ఆందోళనలు ఎందుకుంటాయో ఈరోజు నాకు పూర్తిగా అర్థమైంది. నేను వాష్రూమ్లో ఉన్నప్పుడు ఈ ఘటన జరిగింది. డోర్ తీయలేని పరిస్థితి. వెంటనే రైల్వే హెల్ప్లైన్కు కాల్ చేశాను. ఆర్పీఎఫ్ వచ్చి నన్ను కాపాడారు. ఇది చాలా భయంకరమైన అనుభవం" అని ఆమె పేర్కొన్నారు.
|
|