కిడ్నీల్లో రాళ్ళని కరిగించే జ్యూస్, నేచురల్‌గా స్టోన్స్ తగ్గించుకోవచ్చు

ఈ రోజుల్లో లైఫ్‌స్టైల్‌ మార్పులు, చెడు ఆహార అలవాట్ల కారణంగా చాలా మందిలో కిడ్నీలో రాళ్ల సమస్య కనిపిస్తుంది. కిడ్నీలో స్టోన్స్‌ రావడానికి చాలా కారణాలు ఉన్నాయి. మీర నీరు సరిగ్గా తాగకపోయినా, శారీరక శ్రమ లేకపోయినా, అధిక బరువు, డయాబెటిస్‌ సమస్య ఉన్నవారికి ఈ సమస్య వచ్చే అవకాశం ఎక్కువగా ఉంటుంది. కాల్షియం, యూరిక్ యాసిడ్ లేదా ఆక్సలేట్ వంటి కొన్ని ఖనిజాలు శరీరంలో అధికంగా పేరుకుపోయి మూత్రం ద్వారా అవి బయటకు వెళ్లనప్పుడు అవి క్రమంగా పేరుకు పోయి చిన్న చిన్న గట్టి గడ్డలుగా ఏర్పడతాయి. ఈ గడ్డలు రాళ్లుగా మారుతాయి.

కిడ్నీలో రాళ్లు కారణంగా విపరీతమైన నొప్పి వస్తుంటుంది. యూరిన్‌కు వెళ్లేప్పుడు విపరీతమైన మంట వస్తుంది. కిడ్నీలో రాళ్ల సమస్యను దూరం చేయడానికి డాక్టర్‌ అనుషీ జౌన్‌ సీక్రెట్‌ ఆకు రసాన్ని మనతో షేర్‌ చేసుకున్నారు. ఆ ఆకు ఏమిటో, ఆ రసాన్ని ఎలా తయారు చేసుకోవాలో ఈ స్టోరీలో చూసేద్దాం.

కిడ్నీలో రాళ్లు కరిగించే రణపాల

రణపాల, మీలో చాలా మందికి ఈ మొక్క గురించి తెలిసే ఉంటుంది. ఇది చూడటానికి అలంకరణ మొక్కలా ఉంటుంది. దీని శాస్త్రీయ నామం Bryophyllum pinnatum . రణపాల ఆకులు కాస్త మందంగా ఉంటాయి. ఈ ఆకులు నాటితేనే మొక్కలు వచ్చేస్తాయి. రణపాల కొద్దిగా వ‌గ‌రుగా, పులుపుగా ఉంటాయి. ఈ ఆకులో యాంటీ బ్యాక్టీరియల్, యాంటీ వైరల్, యాంటీ మైక్రోబయోల్, యాంటీ ఫంగల్, యాంటీ హిస్టామైన్, అనాఫీలాక్టిక్ గుణాలు ఉంటాయి.

రణపాల ఆకుల జ్యూస్‌ ఇలా తయారు చేసుకోవాలి

రణపాల ఆకుల జ్యూస్‌ తయారు చేసుకోవాడానికి 5 నుంచి 6 రణపాల ఆకులు తీసుకోండి. వీటిలో కొంచెం నిమ్మరసం, తేనె, ఉప్పు, నీళ్లు పోసి బ్లెండ్‌ చేసుకోండి. ఆ తర్వాత రణపాల జ్యూస్‌ను ఎంజాయ్‌ చేయండి. ఈ జ్యూస్‌ను రోజూ తీసుకోండి.

కిడ్నీలను క్లీన్‌ చేయండి

రణపాల ఆకు మూత్రపిండాలను క్లీన్‌ చేస్తుంది. ఈ ఆకులోని గుణాలు కిడ్నీలలో పేరుకుపోయిన వ్యర్థాలను శుద్ధి చేస్తాయి. మూత్రపిండాల పనితీరును మెరుగుపరుస్తాయి. దీనిలోని మూత్రవిసర్జన లక్షణాల వల్ల మూత్రవిసర్జన బాగా జరిగి, మూత్రపిండాలలో వ్యర్థాలు తొలగుతాయి. ఈ ఆకుల‌లోని గుణాలు ర‌క్తంలోని క్రియాటిన్ లెవ‌ల్స్ త‌గ్గుతాయి.

కిడ్నీల సమస్యలను దూరం చేస్తుంది

రణపాలలోని ఔషధ గుణాలు మూత్రపిండాల సమస్యలను దూరం చేయడానికి కీలక పాత్ర పోషిస్తాయి. దీనిలోని యాంటీ ఇన్‌ఫ్లమేటరీ గుణాలు మూత్రపిండాల వాపుని తగ్గించడానికి సహాయపడతాయి. కిడ్నీ నెఫ్రెట్‌ వంటి సమస్యల ముప్పును తగ్గిస్తాయి.

యాంటీఆక్సిడెంట్ గుణాలు ఉంటాయి

రణపాల ఆకు యాంటీఆక్సిడెంట్‌ గుణాలు ఉంటాయి. ఇవి కిడ్నీలను హానికరమైన ఫ్రీ రాడికల్స్‌ నుంచి రక్షిస్తాయి. ఇవి కిడ్నీల కణాల నష్టాన్ని తగ్గిస్తాయి. తద్వారా కిడ్నీల పనితీరు మెరుగపడుతుంది.