గిన్నెలో ఉడికించిన అన్నం, ప్రెజర్ కుక్కర్‌లో వండిన అన్నం ఆరోగ్యానికి ఏది మంచిది

ప్రతీ పని చేయడంలోనూ కొన్ని రకాల ఆప్షన్స్ ఉంటాయి. అలానే అన్నం వండడంలోనూ అంతే. కొంతమంది గంజి తీసి వండుతారు. కొంతమంది అలానే వండుతారు. మరీ కొంతమంది కుక్కర్‌లో వండుతారు. ఇలా రకరకాల పద్ధతులని వాడి వండుతుంటారు. ఎవరి కన్వీనియెంట్ వారిది. వారి సౌకర్యాన్ని బట్టి వండుతుంటారు. ఇంతకీ అన్నాన్ని ఎలా వండితే ఆయుర్వేదం ప్రకారం మంచిది. కుక్కర్‌లో వండిన అన్నం ఎవరు తినొచ్చు. ఇలాంటి విషయాల గురించి న్యూట్రిషనిస్ట్ శ్వేతాషా చెబుతున్నారు. ఆ వివరాల గురించి తెలుసుకోండి.

బరువు పెరగడానికి కారణం అన్నం కాదు

కొంతమంది అన్నం తినడం వల్ల బరువు పెరుగుతున్నాం. షుగర్ లెవల్స్ కూడా కంట్రోల్ ఉండట్లేదు. పైగా అన్నం తిన్న వెంటనే జీర్ణ సమస్యలు వస్తున్నాయని కంప్లైంట్స్ చేస్తుంటారు. కానీ, దీనికి కారణం అన్నం తినడం కాదు. సరైన విధంగా వండి తినకపోవడం. ఆయుర్వేదం ప్రకారం, అన్నం వండడానికి కూడా ఓ పద్ధతి ఉంది.

గిన్నెల్లో వండి గంజి తీయడం

పాతకాలంలో చాలా మంది గిన్నెల్లో అన్నం వండుతూ గంజిని తీసేసేవారు. ఇప్పటికీ ఆ పద్ధతిని ఫాలో అయ్యేవారు చాలా మందే ఉన్నారు. దీని వల్ల ఎక్స్‌ట్రా స్టార్చ్ బయటికి వెళ్తుంది. దీంతో జీర్ణమవ్వడం ఈజీగా అవుతుంది. షుగర్ లెవల్స్ కూడా త్వరగా పెరగవు. దీనినే లఘు పద్ధతిలో అన్నం వండడం అంటారు ఆయుర్వేదంలో.

గిన్నెలో వండి తినడం ఎవరికీ మంచిది

షుగర్ ఉన్నవారికి, ఇన్సులిన్ రెసిస్టెన్స్‌తో బాధపడేవారికి, పీసిఓడి, హార్మోనల్ ఇ‌న్‌బ్యాలెన్స్ వంటి సమస్యలతో బాధపడేవారు, అసిడిటీ, గ్యాస్, బ్లోటింగ్ వంటి సమస్యలతో బాధపడేవారు, పిత్త, కఫ ఇన్‌బ్యాలెన్స్, వేడితత్వం ఉన్నవారికి ఇలా గిన్నెలో వండి తినడం చాలా మంచిది. వారికి ఆయా సమస్యలు రావు.

ప్రెజర్ కుక్కర్‌ రైస్‌తో వచ్చే సమస్యలు

ప్రెజర్ కుక్కర్‌లో అన్నం వండడం వల్ల స్టార్చ్ లోపలే ఉండిపోతుంది. దీని వల్ల జీర్ణమవ్వడానికి కష్టంగా మారుతుంది. దీంతో అన్నం తినగానే కడుపులో హెవీగా అనిపిస్తుంది. అందుకే, జీర్ణ సమస్యలు, షుగర్ లెవల్స్ పెరగడం, బరువు పెరగడం వంటి సమస్యలొస్తాయి.

అన్నం ఎలా వండి తింటే మంచిది

ఆయుర్వేదం ఏం చెబుతోందంటే

ఆయుర్వేదం ప్రకారం అన్నం ఆరోగ్య సమస్యలకి కారణం కాదు. కానీ, అన్నాన్ని సరైన విధంగా వండి తినాలి. దీని వల్ల అగ్ని, దోష, హెల్త్ ప్రాబ్లమ్స్ రాకుండా ఉంటాయి. ​

మొత్తంగా ఆరోగ్య సమస్యలు రాకుండా ఉండేందుకు

అన్నాన్ని గిన్నెలో వండి వార్చడం మంచిది. దీని వల్ల సమస్యలు రావు. అయితే, మరీ మొత్తగా కావాలనుకుంటే మాత్రం అప్పుడప్పుడు అన్నాన్ని కుక్కర్‌లో వండడం మంచిది. మీ అవసరాన్ని బట్టి ఇప్పుడు మీరే ఎలా వండుకుంటే మంచిదో తెలుసుకోండి.