కీళ్ళ వాతం తగ్గేందుకు సింపుల్ చిట్కా ,,,, వాపు ఇట్టే తగ్గిపోతాయి

ఈ రోజుల్లో చాలా మంది కీళ్ల వాతంతో బాధపడుతున్నారు. దీనిని రుమటాయిడ్ ఆర్థరైటిస్ లైదా ఆర్థరైటిస్ అంటారు. వయసు పై బడ్డ వాళ్లు మాత్రమే కాదు.. యువత కూడా ఈ సమస్యతో బాధపడుతున్నారు. కీళ్ల వాతం ఉంటే నొప్పులు, దృఢత్వం, వాపు వంటి సమస్యలు ఎక్కువగా ఉంటుంది. శారీరక శ్రమ లేకపోవడం దీనికి ప్రధాన కారణమని నిపుణులు అంటున్నారు.

ఇక కీళ్ల వాతం కారణంగా భరించలేని నొప్పి ఉంటుంది. దీంతో, ఈ నొప్పులను తగ్గించుకోవడానికి చాలా మంది పెయిన్ కిల్లర్స్ మందులు వాడుతుంటారు. ఈ మందులు తక్షణం రిలీఫ్ ఇచ్చినా.. భవిష్యత్తులో ఇతర సమస్యల్ని కలిగించవచ్చు. అయితే, ఇలాంటి వారి కోసం సహజమైన ఓ సింపుల్ చిట్కాను షేర్ చేశారు ప్రముఖ న్యూట్రిషనిస్ట్ శ్వేతా షా. ఆ పూర్తి వివరాలపై ఓ లుక్కేద్దాం.

కీళ్ల నొప్పుల నుంచి బయటపడటం ఎలా?

​కీళ్ల వాతం తగ్గించేందుకు ప్రముఖ ఆయుర్వేద పోషకాహార నిపుణురాలు శ్వేతా షా తన ఇన్‌స్టాగ్రామ్ ఖాతాలో ఓ సింపుల్ చిట్కాను షేర్ చేశారు. ఒక ప్రత్యేక ఆయుర్వేద పొట్లీ నివారణను పంచుకున్నారు. శ్వేతా షా వివరిస్తూ, మీరు ఇంట్లోనే పొట్లీని తయారు చేసుకుని, కంప్రెస్‌ల కోసం ఉపయోగించవచ్చు.

ఈ పొట్లీని ఇంట్లోనే దొరికే కొన్ని సుగంధ ద్రవ్యాలు. మూలికలతో తయారు చేస్తారు. ఇవి నొప్పి, వాపు, దృఢత్వాన్ని తగ్గించడంలో సాయపడతాయి. దీని ప్రత్యేకత ఏంటంటే.. ఇందులో ఎటువంటి రసాయనాలు ఉండవు. అంతేకాకుండా దీనిని వాడటం వల్ల ఎలాంటి సైడ్ ఎఫెక్ట్స్ ఉండవు.

కావాల్సిన పదార్థాలేంటో తెలుసా?

ఆయుర్వేద పొట్లీ తయారు చేయడానికి పెద్ద కష్టపడాల్సిన పనిలేదు. దీనికి కావాల్సిన పదార్థాలు మన వంటగదిలోనే లభిస్తాయి. అవి ఏంటంటే..

​వాము - 2 టేబుల్ స్పూన్లు

మెంతులు - ఒక టేబుల్ స్పూన్

సోంపు గింజలు - ఒక టేబుల్ స్పూన్

వెల్లుల్లి రెబ్బలు - కొన్ని (ఇది ఆప్షనల్ మాత్రమే)

పసుపు - ఒక టేబుల్ స్పూన్

రాక్ సాల్ట్ - రెండు టేబుల్ స్పూన్

బేస్ ఆయిల్ కోసం ఆముదం, నిర్గుండి నూనె లేదా ధన్వంతరి తైలం అవసరం

పొట్లీ ఎలా తయారు చేయాలి?

ముందుగా అన్ని మసాలాల్ని సువాసన వచ్చే వరకు లైట్‌గా వేయించాలి.

ఇప్పుడు వాటిని శుభ్రమైన కాటన్ వస్త్రంలో ఉంచి.. ఒక మూటగా చుట్టండి.

ఆ తర్వాత ఒక పాన్‌లో ఆముదం లేదా ధన్వంతరం తైలం వేడి చేసి.. అందులో మూటను తేలికగా ముంచండి.

మీరు ఆయిల్ ఫ్రీగా కూడా వాడుకోవచ్చు. అందుకోసం పాన్‌ని వేడి చేసి అందులో మూటను ఉంచి వేడి చేయవచ్చు.

తర్వాత చేతితో వేడిని చెక్ చేయవచ్చు. అయితే పొట్లీ మూట చాలా వేడిగా ఉండకూడదు.

చివరగా మోకాళ్లు, మోచేతులు, వేళ్లు లేదా నొప్పి ఉన్న కీళ్లపై సర్క్యూలర్ షేపులో మసాజ్ చేయండి. అంటే కాపడం అన్నమాట. ఇలా చేయడం వల్ల కీళ్ల నొప్పుల నుంచి రిలీఫ్ లభిస్తుంది.

ఇది ఎలా పనిచేస్తుంది?

ఈ పొట్లీని రోజుకు ఒకసారి ఉపయోగించండి. ప్రాధాన్యంగా నిద్రవేళకు ముందు దీని అప్లై చేసుకోండి. ఇది కీళ్ల వాపును తగ్గిస్తుంది. అంతేకాకుండా రక్త ప్రసరణను మెరుగుపరుస్తుంది. క్రమంగా కీళ్ల వాతాన్ని తగ్గిస్తుంది. ​ఏడు నుంచి 10 రోజులు క్రమం తప్పకుండా వాడటం వల్ల మంచి ఫలితాలుంటాయని న్యూట్రిషనిస్ట్ శ్వేతా షా చెబుతున్నారు. ఇది నొప్పి నుంచి ఉపశమనం కలిగించడమే కాకుండా దీర్ఘకాలిక కీళ్ల ఆరోగ్యాన్ని కాపాడుకోవడానికి కూడా సాయపడుతుంది.

పొట్లీలో వాడే మసాలాల ప్రయోజనాలేంటి?

వాము, మెంతులు శోథ నిరోధక లక్షణాలను కలిగి ఉంటాయి. ఇవి ఇన్ఫ్లమేషన్ స్థాయిల్ని తగ్గించడంలో ప్రభావవంతంగా పనిచేస్తాయి. ఇవి మంటను తగ్గిస్తాయి.పసుపు, వెల్లుల్లి నొప్పి నుంచి ఉపశమనం కలిగించి రక్త ప్రసరణను మెరుగుపరుస్తాయి. అదే సమయంలో, రాతి ఉప్పు మొద్దుబారిన కండరాల్ని సడలిస్తుంది. దీనిని రెగ్యులర్‌గా వాడటం వల్ల కీళ్ళ వాతాన్ని తగ్గించుకోవచ్చని శ్వేతా షా చెబుతున్నారు.