Homemade Perfume: సింపుల్ స్టెప్స్‌తో మీ సొంత సెంట్స్

ఈ రోజుల్లో పెర్ఫ్యూమ్ అనేది అందరికి అవసరమే కాక, అలవాట్లలో కూడా భాగంగా మారింది. నిజానికి, వందల రూపాయలు ఖర్చు చేసి కొనుగోలు చేసే పెర్ఫ్యూమ్‌ను మన ఇంట్లోనే తయారు చేయవచ్చు. కేవలం మూడు సులభమైన పదార్థాలతో మీరు ఇంట్లోనే హై-ఎండ్ బ్రాండ్ లా వాసన వచ్చే పెర్ఫ్యూమ్ సృష్టించవచ్చు.మీ ఇంట్లో పెర్ఫ్యూమ్ తయారు చేయడం అనుకున్నంత కష్టం కాదు. దీనికి మూడు ప్రధాన పదార్థాలు మాత్రమే అవసరం: బేస్ ఆయిల్ (జోజోబా లేదా గ్రేప్‌సీడ్ ఆయిల్), సువాసన నూనెలు (మీకు నచ్చిన ఏదైనా essential oil, ఉదాహరణకు లావెండర్, రోజ్, ప్యాచౌలి, సిట్రస్, వెనిల్లా) మరియు పెర్ఫ్యూమ్ ఆల్కహాల్ లేదా అవోవిన్. తేలికపాటి సువాసన కోసం కొద్దిగా డిస్టిల్డ్ వాటర్ కూడా కలపవచ్చు.పెర్ఫ్యూమ్‌లో వాసనను మూడు లేయర్లుగా విభజిస్తారు. టాప్ నోట్స్ అనేవి పెర్ఫ్యూమ్ పెట్టిన వెంటనే గమనించే సువాసనలు, ఇవి 15-30 నిమిషాల వరకు ఉంటుంది. ఇందులో సిట్రస్, నిమ్మ, నారింజ లేదా తేలికపాటి ఫ్రూట్ నూనెలు ఉంటాయి. మిడ్ లేదా మధ్య నోట్స్ టాప్ నోట్స్ తరువాత వెలువడే వాసనలు, ఇవి 24 గంటల వరకు ఉండి, లావెండర్, రోజ్, జాస్మిన్, రోజ్‌వుడ్ వంటి పూలు మరియు తేలికపాటి మసాలా నూనెలను కలిగి ఉంటాయి. చివరిగా బేస్ నోట్స్ ఉంటాయి, ఇవి ఎక్కువకాలం నిలిచే స్థిరమైన వాసనను ఇస్తాయి. వీటిలో వెనిల్లా, కస్తూరి, గంధపు చెక్క, ప్యాచౌలి వంటి ఆయిల్స్ ఉంటాయి.పెర్ఫ్యూమ్ తయారీ విధానం ఇలా ఉంటుంది: 30% టాప్ నోట్స్, 50% మధ్య నోట్స్, 20% బేస్ నోట్స్ బాగా కలపాలి. తరువాత 15–20 మి.లీ. పెర్ఫ్యూమ్ ఆల్కహాల్‌లో కొద్దిగా డిస్టిల్డ్ వాటర్ జోడించి బాటిల్ మూసి . ఇది వాసనను సమగ్రముగా కలపడానికి సహాయపడుతుంది. ఆ తర్వాత బాటిల్‌ను 48–72 గంటల పాటు చల్లని ప్రదేశంలో ఉంచితే, వాసన క్రమంగా మెరుగుపడుతుంది. ఈ విధంగా, మీరు సులభంగా మీ ఇంట్లో సొంత పెర్ఫ్యూమ్ తయారు చేసుకోవచ్చు.