పెర్ఫ్యూమ్ వాడినా మీ బాడీ నుంచి సువాసన రావడం లేదా

ఈ రోజుల్లో పెర్ఫ్యూమ్ వాడటం సర్వసాధారణం అయిపోయింది. పిల్లల నుంచి పెద్దల వరకు చాలా మంది పెర్ఫ్యూమ్ స్ప్రే వాడుతున్నారు. ఇక, యూత్ గురించి ప్రత్యేకంగా చెప్పాల్సిన పనిలేదు. అమ్మాయిలు, అబ్బాయిలు చాలా మంది ప్రతి రోజూ స్ప్రే ఉపయోగిస్తున్నారు. ఇక, ఏ ఫంక్షన్ లేదా ఎక్కడికైనా వెళ్లాలంటే పెర్ప్యూమ్ అప్లై చేయరు. దానిలో స్నానం చేస్తారు. అలా ఉంటుంది మరి యూత్‌తో.

అయితే, కొన్నిసార్లు పెర్ఫ్యూమ్ వేసినప్పటికీ, దాని సువాసన కొన్ని గంటల్లోనే మసకబారుతుంది. లేదంటే పెర్ఫ్యూమ్ అప్లై చేసినా వాసన రాదు. దీంతో చాలా అయోమయానికి గురవుతారు. పెర్ఫ్యూమ్ సువాసన త్వరగా మసకబారడానికి కారణం నాణ్యత మాత్రమే కాదు, దానిని అప్లై పద్ధతి కూడా చాలా ముఖ్యం. పెర్ఫ్యూమ్‌ను సరిగ్గా అప్లై చేయడం వల్ల దాని సువాసన ఎక్కువ కాలం ఉంటుందని ప్రముఖ స్టైలిష్ట్ అండ్ ఇమేజ్ కోచ్ టీనా వాలియా చెబుతున్నారు. ఆ పూర్తి వివరాలపై ఓ లుక్కేద్దాం.

ఇమేజ్ కోచ్ ఏం చెబుతున్నారు?

ఇమేజ్ కోచ్ టీనా వాలియా మాట్లాడుతూ, తరచుగా చాలా మంది శరీరంపై పెర్ఫ్యూమ్ స్ప్రే చేస్తారు లేదా బట్టలపై అప్లై చేసుకుంటారు. కానీ సువాసన రాదు. సరైన పాయింట్లు లేకపోవడం వల్ల సువాసన సులభంగా పోతుంది. అందువల్ల మీరు శరీరంలోని నిర్దిష్ట భాగాలపై మాత్రమే పెర్ఫ్యూమ్ అప్లై చేయడం ముఖ్యం. ఉదాహరణకు మీరు చెవుల వెనుక, కాలర్ బోన్, మణికట్టు, మోచేయి, మోకాళ్ల దగ్గర పెర్ఫ్యూమ్ స్ప్రే చేయాలి.

మణికట్టుపై పెర్ఫ్యూమ్ అప్లై చేసిన తర్వాత దానిని రుద్దకండి. ఎందుకంటే ఇది కూడా సువాసనను మాయం అయ్యేలా చేస్తుంది. దానిని అలాగే వదిలేయండి. శరీరంపై పెర్ఫ్యూమ్ స్ప్ర్పే చేస్తే, అండర్ ఆర్మ్స్ చుట్టూ అప్లై చేయండి. పెర్ఫ్యూమ్‌ని నేరుగా చంకలపై అప్లై చేయడం వల్ల అక్కడ చర్మం నల్లబడుతుంది. అందుకే దూరం నుంచి స్ప్రే చేసుకోండి.

ఇమేజ్ కోచ్ చెప్పిన చిట్కాలు

​ఎక్కువ కాలం సువాసన ఉండేందుకు ఏం చేయాలి?

సరైన ప్రదేశాలకు లేదా శరీర భాగాలకు పెర్ఫ్యూమ్ అప్లై చేసిన తర్వాత కూడా ఎక్కువ సేపు ఉండకపోతే కొన్ని చిట్కాలు పనికొస్తాయి. ఈ శరీర భాగాలకు కొద్దిగా వాసెలిన్ లేదా ఇతర క్రీమ్-లోషన్ రాయండి తర్వాత, దానిపై పెర్ఫ్యూమ్ స్ప్రే చేసుకోండి. ఇది పెర్ఫ్యూమ్ కణాలు తేమకు అంటుకునేందుకు సాయపడుతుంది. దీంతో ఎక్కువ కాలం సువాసన వస్తుంది. నిలబడి ఉన్నప్పుడు మాత్రమే స్ప్రే చేసుకోండి. నడుస్తున్నప్పుడు పెర్ఫ్యూమ్ అప్లై చేయడం వల్ల దాని సువాసన తగ్గిపోతుందని టీనా చెబుతున్నారు.

బట్టలకు కూడా స్ప్రే చేయండి

మీ పెర్ఫ్యూమ్ ఎక్కువసేపు ఉండేలా చేయడానికి, శరీర భాగాలతో పాటు బట్టలపై కూడా స్ప్రే చేయండి. కొన్నిసార్లు, ఉతికిన తర్వాత కూడా పెర్ఫ్యూమ్ సువాసన మసకబారదు. అందువల్ల, మీ బట్టలకు పెర్ఫ్యూమ్ పూయడం వల్ల చెమట గురించి చింతించకుండా రోజంతా వాసన వస్తుంది. అయితే, బట్టలపై ఎక్కువగా స్ప్రే చేయడాన్ని నివారించండి. ఎందుకంటే ఇది మరకలకు కారణమవుతుంది.

గుర్తించుకోవాల్సిన విషయాలు

​దీర్ఘకాలం ఉండే పెర్ఫ్యూమ్‌ను నిర్ధారించడానికి.. సరైన సమయంలో అప్లై చేయడం చాలా ముఖ్యం. చాలా మంది స్నానం చేయకుండానే పెర్ఫ్యూమ్‌ను అప్లై చేస్తారు. దీని వల్ల వాసన త్వరగా మాయమవుతుంది. స్నానం చేసిన తర్వాత ఎల్లప్పుడూ పెర్ఫ్యూమ్‌ను అప్లై చేయండి. ఈ సమయంలో చర్మం హైడ్రేట్‌గా ఉంటుంది. ఇది సువాసనను ఎక్కువసేపు నిలుపుకోవడానికి సాయపడుతుంది.

పెర్ఫ్యూమ్‌ను ప్రత్యక్ష సూర్యకాంతి, వేడి, తేమ నుంచి దూరంగా ఉంచండి. చల్లని, పొడి ప్రదేశంలో నిల్వ చేయడం వల్ల దాని నాణ్యత, సువాసన ఎక్కువ కాలం ఉంటాయి.

మీరు కావాలనుకుంటే స్ప్రే చేసే ముందు సువాసన లేని మాయిశ్చరైజర్ కూడా రాసుకోవచ్చు. ఇది సువాసన ఎక్కువసేపు ఉండటానికి సాయపడుతుంది.