కొత్త అల్లుడికి "ఆగర్తి "వారి పసందైన విందు
Andhra Pradesh Telugu | Suryaa Desk | Published : Sat, Jan 17, 2026, 11:31 AM
అతిధి మర్యాదలకు గోదారోళ్ళు కి పెట్టింది పేరు.అందులో భాగంగానే సంక్రాంతికి ఇంటికొచ్చిన కొత్త అల్లుడికి పెరవలి గ్రామానికి చెందిన ఆగర్తి వెంకట కృష్ణారావు , స్వరూపరాణి దంపతుల ముద్దుల కుమార్తె భాగ్యశ్రీ లక్ష్మి కి హైదరాబాద్ కు చెందిన బొద్దు భార్గవ్ సాయికి ఇచ్చి ఐదు నెలల క్రితం అంగరంగ వైభవంగా వివాహం జరిపించారు.ఈ సంక్రాంతి పండుగ మొదటి పండుగ అయినందున పండుగకి ఇంటికొచ్చిన కొత్త అల్లుడికి అతిధి మర్యాదలతో అల్లుడితో సహా అల్లుడి తల్లిదండ్రులకు స్వాగతం పలికి పసందైన విందు ఏర్పాటు చేసారు.ఇందులో భాగంగానే 225 రకాల పిండి వంటలతో కొత్త అల్లుడికి విందు ఏర్పాటు చేసారు.విందు ఏర్పాట్లు చుసిన కొత్త అల్లుడు ఒకింత ఆశ్చర్యానికి గురైన సందర్భం కూడా లేకపోలేదు.ఇంత వరకు వినడమే గాని ప్రత్యక్షంగా చూస్తుంటే ఎంతో ఆనందంగా ఉందని అంటున్నాడు కొత్తల్లుడు.కొత్త అల్లుడి తల్లిదండ్రులని సత్కరించి పసందైన విందు ఏర్పాటు చేయడంతో కొత్త అల్లుడు, పండగ వాతావరణంతో ఇల్లంతా కోలాహలంగా మారిపోయింది.ఊరంతా,జిల్లా మొత్తం ఏ నోట విన్నా ఆగర్తి వారి విందు కబుర్లే వినిపిస్తున్నాయి.
|
|