సంక్రాంతి అల్లుడికి "ఆగర్తి "వారి అదిరిపోయే విందు
Andhra Pradesh Telugu | Suryaa Desk | Published : Sat, Jan 17, 2026, 11:51 AM
అతిధి మర్యాదలకు గోదారోళ్ళు అంటేనే పెట్టింది పేరు.సంక్రాంతి వస్తుంది అంటేనే ప్రతి ఇంట్లో అదొక ఆనందకర,ఆహ్లాదకరమైన వాతావరణం వచ్చేస్తుంది .అందులోను కొత్త అల్లుడు ఇంటికొస్తున్నాడంటే మామగారికన్నా అత్తగారికే ఎక్కువ హడావిడి ఉంటుంది.ఎందుకంటే కొత్త అల్లుడికి ఏ ఏ రకాల పిండి వంటలు చేయాలి , ఏమేమి మర్యాదలు చేయాలి అనే హడావుడితో ఇల్లంతా కలియతిరిగే వారెవరైనా ఉన్నారంటే అది ఒక్క అత్తగారే .ఇందులో భాగంగానే సంక్రాంతికి ఇంటికొచ్చిన కొత్త అల్లుడికి గుంటూరు గ్రామానికి చెందిన ఆగర్తి ప్రసాద్ , సునీత దంపతుల ముద్దుల కుమార్తె శ్రావణి కి భీమవరంకు చెందిన ఆముదాలపల్లి వంశీకి ఇచ్చి అంగరంగ వైభవంగా వివాహం జరిపించారు.ఈ సంక్రాంతి పండుగకి ఇంటికొచ్చిన కొత్త అల్లుడికి అతిధి మర్యాదలతో స్వాగతం పలికి పసందైన విందు ఏర్పాటు చేసారు.ఇందులో భాగంగానే పలు రకాల పిండి వంటలతో కొత్త అల్లుడికి విందు ఏర్పాటు చేసారు.విందు ఏర్పాట్లు చుసిన కొత్త అల్లుడు ఏంటి మామ ఇదంతా ,ఇంత హంగామా అంటూ సరదా సరదాగా మాట్లాడుకోవడంతో ఇల్లంతా ఆనందోత్సహాలతో నిండిపోయింది.ఎందుకంటే కొత్త అల్లుడికి మామగారు మేనమామ కావడంతో సరదా సరదాగా సాగిపోయింది.కొత్త అల్లుడిని సత్కరించి పసందైన విందు ఏర్పాటు చేయడంతో కొత్త అల్లుడు, పండగ వాతావరణంతో ఇల్లంతా కోలాహలంగా మారిపోయింది.
|
|