డైట్, ఎక్సర్‌సైజ్ చేసినా బెల్లీ ఫ్యాట్ తగ్గట్లేదా,,,, ఎలా తగ్గించుకోవాలంటే

బెల్లీ ఫ్యాట్ చూడ్డానికి చిన్న ప్రాబ్లమ్‌లానే కనిపించే పెద్ద ప్రాబ్లమ్. దీనిని తగ్గించుకునేందుకు ఎక్కువగా ఎక్సర్‌సైజెస్, డైట్స్, ఇంటి చిట్కాలు ఫాలో అవుతుంటారు. అయినప్పటికీ త్వరగా రిజల్ట్ కనిపించదు. దీంతో నా బాడీ టైప్ ఇంత అని సరిపెట్టేసుకుంటారు. కానీ, అలా కాకుండా అసలు ఏం మిస్టేక్స్ చేస్తున్నామో గమనించాలి. ఎంత ట్రై చేసినా పొట్ట తగ్గట్లేదంటే కొన్ని తప్పులే కారణమని చెబుతున్నారు హోమియోపతి డాక్టర్ చందన. ఆమె ప్రకారం కొన్ని తప్పుల్ని అవాయిడ్ చేస్తే చాలా వరకూ బెల్లీ ఫ్యాట్ తగ్గుతారట. మరి తప్పులేంటో చూడండి.

బ్రేక్‌ఫాస్ట్ విషయంలో

బెల్లీ తగ్గాలంటే తినడం తగ్గించాలనుకోవడం సరికాదు. ముఖ్యంగా, రోజులో ముఖ్యమైన మీల్ బ్రేక్‌ఫాస్ట్‌ని అసలే స్కిప్ చేయొద్దు. ఇది ఎందుకు ముఖ్యమైన మీల్ అంటే రాత్రంతా దాదాపు 8 నుంచి 10 గంటల పాటు ఫాస్టింగ్ ఉన్న కడుపుకి బ్రేక్‌ఫాస్ట్ అనేది ఎనర్జీని ఇస్తుంది. దీనిని స్కిప్ చేసినా, లేట్‌గా చేసినా కూడా బెల్లీ తగ్గదు. తనలోని ఫ్యాట్‌ని అలానే ఉంచేస్తుంది. పైగా నీరసం, కోరికలు పెరిగి ఇంకా ఎక్కువగా తినాలనుకుంటారు. ఈ కారణం చేత లంచ్ టైమ్‌లోపు ఎక్కువగా జంక్‌ఫుడ్ తింటారు. అలా కాకుండా, చక్కగా ఉదయాన్నే మంచి హెల్దీ ముఖ్యంగా ప్రోటీన్ రిచ్ బ్రేక్‌ఫాస్ట్ చేయండి. దీంతో చాలా వరకూ బాడీలోని ఫ్యాట్ కరుగుతుంది.

తిన్న వెంటనే నీరు తాగడం

నీరు మంచిదే. కానీ, ఎప్పుడు తాగాలనేది తెలుసుకోవాలి. నీటిని మనం తినడానికి అరగంట ముందైనా, తర్వాతైనా తాగాలి. అంతేకానీ, తాగిన వెంటనే తినడం, తిన్న వెంటనే నీటిని తాగడం వంటివి చేయొద్దు. దీంతో జీర్ణ సమస్యలొస్తాయి. ఈ సమస్యలు ఉంటే ఆటోమేటిగ్గా గట్ ప్రాబ్లమ్స్ పెరిగి పొట్ట కూడా లావుగా కనిపిస్తుంది. కాబట్టి, అలా కాకుండా తిన్న తర్వాత గ్యాప్ ఇచ్చి నీటిని తీసుకోండి.

రోజంతా ఏదో ఒకటి తినడం

కొంతమంది రోజంతా ఏదో ఒక ఫుడ్ తింటూనే ఉంటారు. అవి స్నాక్స్ అయినా, మరే ఫుడ్ అయినా అలా నోటిని ఆడిస్తూనే ఉంటారు. దీని వల్ల మీ గట్‌కి గ్యాప్ ఎక్కడ దొరుకుతుంది. ఎప్పుడైనా సరే కాసేపు కడుపుకి రెస్ట్ ఇవ్వండి. దీంతో చాలా వరకూ తిన్న ఆహారం చక్కగా జీర్ణమవుతుంది. హెల్దీగా ఉంటారు. అలా ఏది పడితే అది తినకుండా ఉండండి.

రాత్రుళ్ళు త్వరగా తినడం

బరువు, బెల్లీ తగ్గాలనుకున్నా, జీర్ణ సమస్యలు దూరమై గట్ హెల్త్ బాగుండాలన్నా, మంచి నిద్ర పట్టాలన్నా కూడా డిన్నర్‌ని ఎంత త్వరగా చేస్తే అంత మంచిది. అలా కాకుండా రాత్రుళ్లు లేట్ అయ్యే కొద్దీ మనకి మనంగానే ప్రాబ్లమ్స్‌ని తెచ్చుకున్నవారవుతాం. కాబట్టి, లేట్ నైట్ డిన్నర్ కాకుండా కనీసం 8 గంటల్లోపైనా డిన్నర్ కంప్లీట్ అవ్వాలి. తినడానికి నిద్రపోవడానికి కనీసం గంటన్నర నుంచి 2 గంటల గ్యాప్ ఉండేలా చూసుకోండి.

7 గంటల కంటే తక్కువగా నిద్ర

అదే విధంగా, నిద్ర కూడా చాలా ముఖ్యం. రోజంతా అలసిన శరీరానికి, మనసుకి నిద్ర అనేది మంచి రిలాక్సేషన్ లాంటిది. మంచి నిద్ర ఉంటే బాడీ అలసిపోదు. మనసు కూడా తేలిగ్గా ఉంటుంది. కాబట్టి, హ్యాపీగా నిద్రపోండి. మంచి నిద్ర అంటే గ్యాప్ లేకుండా కనీసం 7 గంటలైనా నిద్రపోవడం.

బెల్లీ ఫ్యాట్ తగ్గకపోవడానికి కారణాలు

ఆల్కహాల్‌కి దూరంగా

ఆల్కహాల్ అలవాటు అకేషనల్లీ అయితే పర్లేదు. కానీ, రెగ్యులర్‌గా ఆల్కహాల్ తీసుకుంటే ఆరోగ్యానికి అంత మంచిది కాదు. దీని వల్ల జీర్ణ సమస్యల దగ్గర్నుంచీ ఇతర సమస్యలు కూడా వస్తాయి. డీహైడ్రేట్ అవుతారు. నిద్ర సమస్యలొస్తాయి. ఇది మన శరీర పనితీరుని నెమ్మదిస్తుంది. కాబట్టి, ఎప్పుడు కూడా అలా చేయకండి. ఏదైనా పార్టీ ఉన్నప్పుడు మాత్రమే తీసుకోవడం మంచిది.

ఇలాంటి తప్పులన్నీ అవాయిడ్ చేసి మంచి డైట్, లైఫ్‌స్టైల్ ఫాలో అయితే చాలా వరకూ బెల్లీ ఫ్యాట్ తగ్గుతుంది. అంతేకానీ, నా శరీరమే ఇంత కాస్తా తిన్నా బాడీ పెరుగుతుందనుకుని మిమ్మల్ని మీరు మభ్యపెట్టుకోవద్దు.