50MP కెమెరా మ్యాజిక్.. 6500mAh బ్యాటరీ బ్యాక్‌అప్.. కొత్త 5G ఫోన్ డీటెయిల్స్!

ఇన్ఫినిక్స్ సంస్థ నుంచి మరో కొత్త స్మార్ట్‌ఫోన్ భారత మార్కెట్‌లోకి అడుగుపెట్టబోతోంది. గ్లోబల్ మార్కెట్‌లో ఇప్పటికే విడుదలైన ఇన్ఫినిక్స్ నోట్ ఎడ్జ్ 5Gను భారత్‌లో ఫిబ్రవరి 18న మధ్యాహ్నం 12 గంటలకు అధికారికంగా లాంచ్ చేయనున్నట్లు కంపెనీ ప్రకటించింది. ఈ ఫోన్ విక్రయాలు ఫ్లిప్‌కార్ట్ ద్వారా ప్రారంభం కానుండగా, సంబంధిత మైక్రోసైట్ ఇప్పటికే లైవ్‌లో ఉండటంతో ముఖ్యమైన ఫీచర్లు, స్పెసిఫికేషన్లు బయటకు వచ్చాయి.ఈ స్మార్ట్‌ఫోన్‌లో మీడియాటెక్ డైమెన్సిటీ 7100 ప్రాసెసర్‌ను అందిస్తున్నారు. ఫ్లిప్‌కార్ట్ మైక్రోసైట్ ప్రకారం, ఈ చిప్‌సెట్ సుమారు 7,50,000 AnTuTu స్కోర్ సాధించగలదని వెల్లడించారు. అయితే ఆపరేటింగ్ సిస్టమ్, ర్యామ్ మరియు స్టోరేజ్ వేరియంట్లపై పూర్తి వివరాలు ఇంకా తెలియాల్సి ఉంది.డిస్‌ప్లే పరంగా చూస్తే, 6.78 అంగుళాల 1.5K రిజల్యూషన్‌తో 3D కర్వ్డ్ AMOLED స్క్రీన్‌ను అందిస్తున్నారు. 4500 నిట్స్ పీక్ బ్రైట్‌నెస్, TUV బ్లూ లైట్ సర్టిఫికేషన్, కార్నింగ్ గొరిల్లా గ్లాస్ 7i రక్షణ వంటి ఫీచర్లు ఇందులో ఉన్నాయి. బ్యాటరీ విషయానికి వస్తే, 6500mAh సామర్థ్యంతో పాటు 45W ఫాస్ట్ ఛార్జింగ్ సపోర్ట్ కల్పించారు. దీని వల్ల ఎక్కువసేపు బ్యాటరీ బ్యాకప్ లభించే అవకాశం ఉంది.డిజైన్ పరంగా ఈ ఫోన్ స్టెల్లర్ బ్లూ, సిల్క్ గ్రీన్, లూనార్ టైటానియం రంగుల్లో అందుబాటులోకి రానుంది. బ్లూ వేరియంట్ మెటాలిక్ ఫినిష్‌తో, గ్రీన్ వేరియంట్ సిల్క్ ఫైబర్ టెక్స్చర్‌తో వస్తుంది. బ్యాక్ ప్యానల్‌పై RGB హాలో లైట్ ఫీచర్ ఉండటం ప్రత్యేక ఆకర్షణగా చెప్పవచ్చు. 7.2mm స్లిమ్ డిజైన్‌తో పాటు IP65 రేటింగ్ కలిగి ఉండటంతో డస్ట్ మరియు వాటర్ రెసిస్టెన్స్ కూడా లభిస్తుంది.ఫోటోగ్రఫీ కోసం వెనుక భాగంలో డ్యూయల్ కెమెరా సెటప్ ఇవ్వబడింది. ఇందులో 50MP ప్రైమరీ కెమెరా ఉంటుంది. ఇతర సెన్సార్ వివరాలు ఇంకా ప్రకటించలేదు. ఆడియో అనుభవాన్ని మెరుగుపరచేందుకు JBL ట్యూనింగ్‌తో డ్యూయల్ స్పీకర్లు అందించారు.ధర విషయానికి వస్తే, గ్లోబల్ మార్కెట్‌లో ఈ ఫోన్ ప్రారంభ ధర 200 డాలర్లు (సుమారు రూ.18,200)గా ఉంది. అయితే భారత మార్కెట్‌లో దీని ఖచ్చితమైన ధరను కంపెనీ ఇంకా వెల్లడించలేదు. లాంచ్ సందర్భంగా పూర్తి వివరాలు తెలియనున్నాయి.