వాట్సాప్ లో త్వరలో మరిన్ని కొత్త ఫీచర్లు
Technology | Suryaa Desk | Published : Tue, May 17, 2022, 04:57 PM
వాట్సాప్ లో త్వరలో మరో రెండు కొత్త ఫీచర్లు అందుబాటులోకి రానున్నాయి. ప్రస్తుతం మనం ఏదైనా గ్రూప్ నుంచి లెఫ్ట్ అయితే ఆ గ్రూప్ లో ఉన్న సభ్యులందరికీ ఆ విషయం తెలుస్తుంది. మనం గ్రూప్ నుంచి వెళ్లిపోయినట్లు చిన్న టెక్ట్స్ లైన్ కనిపిస్తుంది. దీన్ని దృష్టిలో ఉంచుకుని వాట్సాప్ కొత్త ఫీచర్ ను తీసుకురానుంది. ఈ ఫీచర్ వల్ల మనం గ్రూప్ నుంచి లెఫ్ట్ అయితే అడ్మిన్ కు తప్ప గ్రూప్లో ఉన్న సభ్యులెవరికీ ఆ విషయం తెలియదు. మనం లెఫ్ట్ అయినట్లు ఎలాంటి టెక్స్ట్ కూడా కనిపించదు. దీంతో మనం ఇష్టం లేని గ్రూప్ల నుంచి సైలెంట్ గా లెఫ్ట్ అవ్వొచ్చు. ఈ ఫీచర్ ను ప్రస్తుతం వాట్సాప్ వెబ్ లో పరీక్షిస్తున్నారు. మరో 2 నెలల్లో ఈ ఫీచర్ అందుబాటులోకి వచ్చే అవకాశం ఉంది.
ప్రస్తుతం వాట్సాప్ స్టేటస్ లో ఏదైనా వెబ్ సైట్ లింక్ షేర్ చేస్తే అది సాధారణ టెక్స్ట్లానే కన్పిస్తుంది. ఇప్పుడు రాబోతున్న కొత్తగా అప్ డేట్ లో ఎవరైనా స్టేటస్ లో లింక్ షేర్ చేస్తే దానికి సంబంధించిన పూర్తి వివరాలతో ప్రివ్యూ కనిపించనుంది. అంటే లింక్ సంబంధించి ఫొటోతో పాటు వెబ్సైట్ వివరాలు కూడా కనిపిస్తాయి. ప్రస్తుతం వాట్సాప్ ఆండ్రాయిడ్ వెర్షన్లలో స్టేటస్ లో షేర్ చేసిన లింక్ క్లిక్ చేస్తే కొంత సమాచారం మాత్రమే తెలుస్తోంది. కొత్త ఫీచర్ లో ప్రివ్యూ ద్వారా ఎక్కువ వివరాలు తెలుస్తాయి.
|
|
