మనదేశ మన సంస్కృతిని పాటించిన...విదేశీ జంట

ఏదేశం వారైనా అమితంగా ఇష్టపడేది మనదేశ సంస్కృతినే. బయట ఎలాంటి డ్రెస్‌లు వేసుకున్నా.. దేవాలయాలకు, పవిత్ర స్థలాలకు వెళ్లేటప్పుడు.. సంప్రదాయమైన దుస్తులు వేసుకోవడం మన దేశ సంస్కృతి. మన కల్చర్‌లో ఆలయాలకు అంత ప్రాముఖ్యత ఉంటుంది. అయితే ఓ విదేశీ జంట కూడా దీనిని పాటించారు. మన సంస్కృతిని అర్థం చేసుకున్నారు. సిక్కులు ధరించే దుస్తులను ధరించి.. ఆ వేష దారణలోనే అమృత్‌సర్‌లో ఉన్న స్వర్ణ దేవాలయాన్ని సందర్శించారు. అయితే వీరి మేకోవర్ ఇన్‌స్టాగ్రామ్‌లో దుమ్ము రేపుతుంది.

వారు అమృత్‌సర్‌లోని గోల్డెన్ టెంపుల్‌ను సందర్శించే ముందు లారెన్స్ అనే వ్యక్తి, తన కొడుకుతో కలసి తలపాగాలు కట్టుకున్న వీడియో చాలామందిని ఆకట్టుకుంటుంది. ఆ వీడియోలో ఒక వ్యక్తి మెరూన్ రంగు తలపాగాను వారికి కడుతున్న దృశ్యాలు చూడొచ్చు. అనంతరం లారెన్స్ గోల్డెన్ టెంపుల్ లోపల తన కొడుకుతో కలిసి ఫోజులిచ్చాడు. కొన్ని రోజుల క్రితం పోస్ట్ చేసిన ఈ వీడియోని ఇప్పటి వరకు 3.5 మిలియన్ల మందికిపైగా చూశారు.

దీనిపై నెటిజన్లు విరివిగా స్పందిస్తున్నారు. ఒక యూజర్ "మీరు మా సంస్కృతిని స్వీకరించడం చూస్తే చాలా ఆనందంగా ఉంది." అని కామెంట్ చేశారు. మరొకరు "చాలా నచ్చింది." అని కామెంట్ చేశారు. "మీరు ఇక్కడ ఎంజాయ్ చేస్తారని ఆశిస్తున్నాం".. "మా దేశానికి వచ్చినందుకు ధన్యవాదాలు." అని కూడా మెసెజ్‌లు పెట్టారు. ఎలీస్, లారెన్స్ తన కొడుకుతో పాటు ఇండియాకు వచ్చారు. వీరు తరచూ వివిధ దేశాలను సందర్శిస్తుంటారు. ప్రస్తుతం భారతదేశంలోని పలు ప్రాంతాల్లో పర్యటిస్తున్నారు. ఇప్పటి వరకు వీళ్లు ముంబై, జైపూర్, ఢిల్లీ వీధుల్లో పర్యటించారు. వారు సందర్శిస్తున్న ప్రాంతాలకు సంబంధించిన వీడియోలను, ఫోటోలను ఇన్‌స్టాగ్రామ్‌ వేదికగా పంచుకుంటున్నారు. సాధారణంగా మన దేశ సంస్కృతిని ఇష్టపడి.. ఆ విధంగా డ్రెస్సింగ్ చేసుకునే విదేశీయుల వీడియోలు.. ఫోటోలు.. తరచుగా నెట్టింట్లో తారసడుతూ ఉంటాయి. అవి మన హృదయాలను ఆనందంతో నింపుతాయి.