5 వేలకుపైగా కార్లు చోరీ చేసిన ఖిలాడీ ఆటోవాలా..
national | Suryaa Desk | Published : Mon, Sep 05, 2022, 11:50 PM
ఓ ఆటో డ్రైవర్ 5వేలకుపైగా కార్లు కొట్టేశాడంటే నమ్మగలరా? 'దేశంలోనే అతిపెద్ద కార్ల దొంగ' అయిన ఇతడిని సోమవారం ఢిల్లీ పోలీసులు అరెస్ట్ చేశారు. అనిల్ చౌహాన్ అనే ఈ వ్యక్తిపై 180 కేసులు ఉన్నాయి. 1995లో కార్ల చోరీతో మొదలై తుపాకుల స్మగ్లింగ్ దాకా అనేక నేరాలు చేశాడు.
వివరాల్లోకి వెళ్తే.. అసోంలోని తేజ్పుర్ కు చెందిన అనిల్ చౌహాన్(52) 1998 నుంచి వివిధ ప్రాంతాల్లో 5 వేల వాహనాలను చోరీ చేశాడు. ముఠా నాయకుడిగా ఉన్న అనిల్ 181 క్రిమినల్ కేసుల్లో నిందితుడిగా ఉన్నాడు. పలు మార్లు జైలుకు కూడా వెళ్లొచ్చాడు. చివరికి మరోసారి పోలీసులకు పట్టుబడ్డాడు. కాన్పుర్లో నివాసం ఉంటున్న అనిల్ మొదట్లో ఖడ్గమృగం కొమ్ములు, ఆయిధాల స్మగ్లింగ్ చేసేవాడు. అక్రమ సంపాదనతో ఢిల్లీ, ముంబయి, ఈశాన్య రాష్ట్రాల్లో ఆస్తులు కొన్నాడు. ఇతనికి ముగ్గురు భార్యలు, ఏడుగురు పిల్లలని అధికారులు వెల్లడించారు.
|
|