కాఫీ బోర్డు సభ్యురాలిగా...వైసీపీ ఎంపీ నియామకం
Andhra Pradesh Telugu | Suryaa Desk | Published : Wed, Sep 14, 2022, 12:50 PM
కేంద్ర ప్రభుత్వం పలు కార్పోరేషన్లలో వైసీపీ ప్రజా ప్రతినిధులకు కూడా తగిన ప్రాధాన్యత ఇస్తోంది. తాజాగా వైసీపీ మహిళా ఎంపీకి కీలక పదవి దక్కింది. కాఫీ బోర్డు సభ్యురాలిగా అరకు వైఎస్సార్సీపీ ఎంపీ గొడ్డేటి మాధవి నియమితులు అయ్యారు. ఈ మేరకు కేంద్ర వాణిజ్య శాఖ మంగళవారం గెజిట్ నోటిఫికేషన్ విడుదల చేసింది. కాఫీ బోర్డును పునర్నియమిస్తూ విడుదల చేసిన ఈ నోటిఫికేషన్లో సభ్యులుగా ఎంపీ ప్రతాప్ సిన్హా, రాజ్యసభ సభ్యుడు ఎన్.చంద్రశేఖరన్ కూడా ఉన్నారు. తనకు ఈ పదవి రావడంపై ఎంపీ మాధవ్ ఆనందం వ్యక్తం చేశారు.
అంతేకాదు ఈ బోర్డులో.. కాఫీ సాగు చేసే రాష్ట్రాల ప్రభుత్వ ప్రతినిధుల విభాగంలో ఏపీ గిరిజన సంక్షేమ విభాగం కార్యదర్శి కాంతిలాల్దండేకు అవకాశం దక్కింది. అలాగే కాఫీ పండించే వారి విభాగంలో విశాఖ జిల్లా దోమంగికి చెందిన విశ్వనాథం.. కొత్త పాడేరుకు చెందిన కురుస ఉమామహేశ్వరరావు.. వాణిజ్య విభాగంలో విశాఖ జిల్లా కిన్నెర్లకు చెందిన జయతు ప్రభాకర్రావు.. ఇన్స్టంట్ కాఫీ ఉత్పత్తిదారుల విభాగంలో హైదరాబాద్కు చెందిన చల్లా శ్రీశాంత్లను వాణిజ్య శాఖ సభ్యులుగా నియమించింది.
|
|