చ‌ర్చ‌ల‌తోనే స‌మ‌స్య‌లు ప‌రిష్కారం...పుతిన్ తో ప్రధాని నరేంద్ర మోడీ
national | Suryaa Desk | Published : Fri, Sep 16, 2022, 10:03 PM
చ‌ర్చ‌ల‌తోనే స‌మ‌స్య‌లు ప‌రిష్కారం అవుతాయ‌ని... ఉక్రెయిన్ విష‌యంలోనూ రష్యా ఇదే మంత్రాన్ని పాటిస్తే మంచి ఫ‌లితాలు వ‌స్తాయ‌ని పుతిన్‌కు భారత ప్రధాని నరేంద్ర మోదీ సూచించారు. ఇదిలావుంటే రష్యా అధ్య‌క్షుడు వ్లాదిమిర్ పుతిన్‌తో భారత ప్ర‌ధాన మంత్రి నరేంద్ర మోదీ భేటీ అయ్యారు. ఉజ్బెకిస్థాన్‌లో జ‌రిగిన ఈ భేటీ దాదాపుగా గంట పాటు సాగింది. ఈ సంద‌ర్భంగా ఇరు దేశాల మ‌ధ్య మైత్రి, తాజా ప్ర‌పంచ ప‌రిస్థితుల‌పై ఇద్ద‌రు నేత‌లు చ‌ర్చించుకున్నారు. రష్యా, భార‌త్‌ల మ‌ధ్య వాణిజ్య, ర‌క్ష‌ణ, ఇంధ‌న రంగాల్లో స‌హ‌కారంపై వారు చ‌ర్చించారు. ఈ భేటీలో భాగంగా ఉక్రెయిన్‌తో రష్యా యుద్ధంపైనా చర్చ జ‌రిగింది. ఉక్రెయిన్‌లో సాధార‌ణ వాతావ‌ర‌ణం నెల‌కొనేలా చ‌ర్య‌లు చేప‌ట్టాల‌ని కూడా పుతిన్‌ను మోదీ కోరారు. భేటీ అనంత‌రం పుతిన్‌తో భేటీ ఆహ్లాద‌భ‌రితంగా సాగింద‌ని చెబుతూ మోదీ... ర‌ష్య‌న్ భాష‌లోనే ఓ ట్వీట్‌ను పోస్ట్ చేశారు.
|
|