లోన్ యాప్ మోసాల అడ్డుకట్టకు కృషి చేయాలి

అనంతపురం రేంజ్ డి.ఐ.జి ఎం.రవిప్రకాష్ IPS  అనంతపురం, శ్రీ సత్యసాయి, చిత్తూరు, తిరుపతి జిల్లాల ఎస్పీలతో " ఫోన్ కాన్ఫరెన్స్" నిర్వహించారు. పలు అంశాలను సమీక్షించారు. ఈ సందర్బంగా ఆయన మాట్లాడుతూ... అనంతపురం  రేంజ్ పరిధిలో జరుగుతున్న బాడిలీ అఫెన్సెస్ నియంత్రణపై దృష్టి పెట్టాలి. బాడిలీ అఫెన్సెస్ కు కారణాలైన భూ వివాదాలు, అక్రమ సంబంధాలు, తాగి గొడవలు పడటం, ఫ్యాక్షన్ , పొలిటికల్ రైవలరీ, విద్యార్థుల మధ్య గొడవల వల్ల జరుగుతున్నాయో విశ్లేషించాలి. అధికంగా చోటు చేసుకుంటున్న కారణాలను అన్వేషించి బాడిలీ అఫెన్స్ కట్టడికి కార్యాచరణ సిద్ధం చేయాలి .  లోన్ యాప్ మోసాల అడ్డుకట్టకు కృషి చేయాలి, లోన్ యాప్ లు నిర్వహిస్తున్న కంపెనీలు, లోన్ యాప్ డెవలపర్స్ , లావా దేవీలు జరిపిన బ్యాంకర్లు, గూగుల్ స్టోర్స్ వారిని నిందితులుగా చేర్చాలి. 

రోడ్డు ప్రమాదాల నియంత్రణ కోసం కార్యాచరణ ప్రణాళికలతో చర్యలు చేపట్టాలి. ఏ సమయంలో రోడ్డు ప్రమాదాలు జరుగుతున్నాయి, ఏ తరహా రోడ్లపై అధికంగా చోటు చేసుకుంటున్నాయి, అధికంగా ఏ తరహా వాహనాలు రోడ్డు ప్రమాదాలకు గురవుతున్నాయో విశ్లేషించాలి. అంతేకాకుండా ... ర్యాష్ & నెగ్లిజెన్స్ డ్రైవింగ్ , డ్రంకన్ డ్రైవింగ్ , రోడ్డు ఇంజనీరింగ్ లోపాల వల్ల రోడ్డు ప్రమాదాలు జరుగుతున్నాయో అధ్యయనం చేసి నియంత్రణకు కార్యాచరణ సిద్ధం చేయాలి * చిన్నారులపై జరిగిన అఘాయిత్యాలు, ఫోక్సో కేసుల్లో సకాలంలో పూర్తీ అయ్యేలా గౌరవ జలతో సంప్రదించి త్వరితగతిన పూర్తీ చేయాలి.

జిల్లా ఎస్పీలు, డీఎస్పీలు చెరో 5 కేసులను పర్యవేక్షించి ప్రాపర్ గా పూర్తీ చేయాలి .  సాధారణ దొంగతనాలు, పగలు లేదా రాత్రి దొంగతనాలు తగ్గించేందుకు రేంజ్ పరిధిలోని అన్ని జిల్లాలలో స్పెషల్ క్రైం టీం లను ఏర్పాటు చేసి దొంగల ముఠాలపై ప్రత్యేక నిఘా వేయాలి

ఎర్రచందనం అక్రమ రవాణాపై ప్రత్యేక దృష్టి సారించాలి. తిరుపతి, చిత్తూరు జిల్లాలలో ప్రత్యేక నిఘా వేసి నియంత్రించాలి. తరుచూ ఎర్రచందనం అక్రమ రవాణా, తదితర నేరాలకు పాల్పడుతున్న నిందితులపై పి.డి.యాక్టు ప్రయోగించాలి అని తెలిపారు.ఈ ఫోన్ కాన్ఫరెన్స్ లో అనంతపురం, శ్రీసత్యసాయి, చిత్తూరు జిల్లాల ఎస్పీలు డాక్టర్ ఫక్కీరప్ప కాగినెల్లి IPS గారు, రాహుల్ దేవ్ సింగ్ IPS గారు, రిషాంత్ రెడ్డి IPS గారు, పరమేశ్వరరెడ్డి IPS గారు ఆయా జిల్లాల పోలీసు కార్యాలయాల నుండి పాల్గొన్నారు.