నారా లోకేష్ ఆధ్వర్యంలో అసెంబ్లీ సమీపంలో టీడీపీ నిరసన
Andhra Pradesh Telugu | Suryaa Desk | Published : Wed, Sep 21, 2022, 12:23 PM
అసెంబ్లీ సమీపంలో ని ట్రాఫిక్ పీఎస్ వద్ద సహజ వనరుల దోపీడీ పై తెదేపా ఎమ్మెల్యేలు, ఎమ్మెల్సీలు నిరసన చేపట్టారు. అవినీతిలో ఏ 1 జగన్ రెడ్డి అంటూ నినాదాలు చేశారు. లేపాక్షి భూములు జగన్ కుటుంబం కబ్జా చేస్తే, ఖాళీ స్థలాలను వైసిపి ల్యాండ్ మాఫియా కబ్జా చేస్తోందని ఆరోపణ చేశారు. జగన్ రెడ్డి స్కాం రెడ్డి గా మారి, అవినీతికి బ్రాండ్ అంబాసిడర్ గా నిలిచారని నేతలు ధ్వజమెత్తారు. భూ, ఇసుక, మద్యం, మైన్స్, బియ్యం దోపిడీకి వైకాపా నేతలు పాల్పడుతున్నారంటూ అసెంబ్లీకి నేతలు కాలినడకన వెళ్లారు. ఇసుకను మింగేస్తున్న వైసీపీ ఇసుకాసురులు అంటూ ప్లకార్డుల ప్రదర్శన.జే బ్రాండ్స్ తో జగన్ రెడ్డి పేదల రక్తం తాగుతున్నారని నినాదాలు చేశారు. జగన్ వాకిట్లో గంజాయి చెట్లు, సెంటు భూమి పేరుతో ప్రజాధనం లూటీ అంటూ ప్లకార్డులు చేతపట్టి నినాదాలు చేశారు. మైనింగ్ మాఫియా డాన్ గా జగన్ రెడ్డి ఉంటే, వైసీపీ నేతలు రేషన్ బియ్యం కొట్టేస్తున్నారని నేతలు మండిపడ్డారు.
|
|