ట్రెండింగ్
లారీని ఢీకొట్టిన కారు.. ముగ్గురు మృతి
Andhra Pradesh Telugu | Suryaa Desk | Published : Fri, Oct 14, 2022, 12:35 PM
ఏపీలోని ప్రకాశం జిల్లా ఒంగోలులో శుక్రవారం ఉదయం ఘోర రోడ్డు ప్రమాదం జరిగింది. లారీని కారు ఢీకొట్టడంతో ముగ్గురు అక్క‌డిక‌క్క‌డే చనిపోయారు. అయితే.. వారు చెన్నై నుంచి ఒంగోలు వ‌స్తున్నారు. మ‌రికొద్ది సేప‌ట్లో ఇంటికి చేరుకుంటారు అన‌గా ప్ర‌మాదానికి గుర‌య్యి ప్రాణాలు కోల్పోయారు. ముందు వెళ్తున్న లారీని కారు ఢీ కొట్ట‌డంతో ఈ ప్రమాదం చోటుచేసుకుంది. ఈ ప్రమాదంలో కారులో ప్రయాణిస్తున్న ముగ్గురు చనిపోయారు. మృతి చెందిన వారు ఒంగోలుకి చెందిన పవన్, పరమేశ్, శ్రీన గా గుర్తించారు. వీరు చెన్నై నుండి ఒంగోలు వస్తుండగా ఇవ్వాల ఉదయం ఈ ఘ‌ట‌న జరిగింది. మ‌రికొద్దిసేప‌ట్లో ఇంటికి చేరుకుంటారు అన‌గా యాక్సిడెంట్‌లో ప్రాణాలు కోల్పోయారు. సంఘటనా స్థలానికి పోలీసులు చేరుకొని కేసు నమోదు చేసి దర్యాప్తు చేస్తున్నారు.
|
|