ట్రెండింగ్
వార్మప్ మ్యాచ్లో న్యూజిలాండ్‍కు షాకిచ్చిన సౌతాఫ్రికా..
sports | Suryaa Desk | Published : Mon, Oct 17, 2022, 02:21 PM
టీ20 ప్రపంచకప్ 2022కి ముందు న్యూజిలాండ్‌తో జరిగిన వార్మప్ మ్యాచ్లో దక్షిణాఫ్రికా విజయం సాధించింది. ఈ మ్యాచ్లో తొలుత బ్యాటింగ్ చేసిన న్యూజిలాండ్‌ 17.1 ఓవర్లలో 98 పరుగులకు ఆలౌటైంది. దక్షిణాఫ్రికా బౌలర్లు చెలరేగడంతో కివీస్ బ్యాటర్లు పెవిలియన్ కు క్యూ కట్టారు. కివీస్ ఆటగాళ్లలో గప్టిల్ 23 బంతుల్లో ఒక సిక్స్, రెండు ఫోర్లతో 26 పరుగులు చేసి టాప్ స్కోరర్ గా నిలిచాడు. ఫిలిప్స్ 20 పరుగులు చేయగా.. మిగిలిన వారు తక్కువ స్కోరుకే ఔటయ్యారు. 99 పరుగుల విజయలక్ష్యంతో బరిలోకి దిగిన దక్షిణాఫ్రికా 11.2 ఓవర్లలో ఒక వికెట్ నష్టానికి 90 పరుగులు చేసింది. దక్షిణాఫ్రికా బౌలర్లలో మహరాజ్ 3 ఓవర్లలో 17 పరుగులిచ్చి 3 వికెట్లు పడగొట్టాడు. పార్నెల్, సంషి రెండు వికెట్లు తీశారు. జాన్ సేన్, మక్రమ్, రబడా ఒక్కో వికెట్ తీశారు.
|
|