ఘనంగా ఎరుకమాంబ అమ్మవారి వార్షికోత్సవం
Bhakthi | Suryaa Desk | Published : Mon, Oct 17, 2022, 02:19 PM
విశాఖపట్నం: దొండపర్తి లోని శ్రీ ఎరుకమాంబ అమ్మవారి వార్షికోత్సవ వేడుకలు ఘనంగా జరిగాయి. శ్రీ అమ్మవారికి సోమవారం ఉదయం నుండి విశేష పూజలు, అర్చనలు, పసుపు నీళ్లతో అభిషేకాలు జరిగాయి. వేదమంత్రాలు మంగళ వాయిద్యాలు మధ్య శ్రీ అమ్మవారికి అన్నాభిషేకం చేశారు. దొండపర్తి పరిసర ప్రాంతాలకు చెందిన భక్తులు పెద్ద సంఖ్యలో శ్రీ అమ్మవారిని దర్శించుకుని విశేష పూజల్లో పాల్గొన్నారు. దేవదాయ ధర్మాదాయ శాఖ సహాయ కమిషనర్ కె. శిరీష కార్పొరేటర్ వీరారావులు శ్రీ అమ్మవారిని దర్శించుకొని ప్రత్యేక పూజలు నిర్వహించారు. ఆలయ ఎగ్జిక్యూటివ్ ఆఫీసర్ జి. వి. రామాబాయి పర్యవేక్షణలో ఈ వేడుకలు అత్యంత వైభవంగా జరిగాయి. ఆదివారం మధ్యాహ్నం నిర్వహించిన అన్నదాన కార్యక్రమంలో పదిహేను వందల మంది పైగా భక్తులు పాల్గొని శ్రీ అమ్మవారి ప్రసాదాన్ని స్వీకరించారు. ఈ ఏడాది శ్రీ అమ్మవారి వార్షికోత్సవ వేడుకలకు భక్తులు తండోపతండాలుగా హాజరయ్యారు.
|
|