అర్ధరాత్రి దొంగలు స్వైర విహారం
Andhra Pradesh Telugu | Suryaa Desk | Published : Thu, Oct 27, 2022, 11:06 AM
విశాఖపట్నం, పెందుర్తి: 95వ వార్డు చీమలాపల్లిలో మంగళవారం అర్దరాత్రి దొంగలు బీభత్సం సృష్టించారు. ఇంట్లో ఉన్న మహిళను గాయపరిచి పరారైనారు. స్థానికులు తెలిపిన వివరాలు ఇలా ఉన్నాయి. లావణ్య అనే మహిళ కుటుంబ సభ్యులతో కలిసి ఇంట్లో నిద్రిస్తున్న సమయంలో శబ్దాలు రావడంతో ఒక డోర్ తీసుకుని మెయిన్ గ్రిల్ వద్దకు వచ్చింది. అప్పటికే ఇంటి కిటికీ గ్రిల్ తొలగించి ఇద్దరు దొంగలు లోపలకి చొరబడ్డారు. నిద్రిస్తున్న అత్త మామల రూముకు దొంగలు గెడియ పెట్టారు.
దొంగలను చూసి లావణ్య గట్టిగా కేకలు వేసింది. దీంతో దొంగలు తాము తెచ్చుకున్న స్క్రుడ్రై వర్ తో ఆమెను పొడిచి పరారయ్యారు. తీవ్రంగా గాయపడిన లావణ్యను కుటుంబ సభ్యులు నగరంలోని ప్రైవేట్ హాస్పిటల్ కు తరలించారు. సమాచారం తెలుసుకున్న క్లూస్ టీం, క్రైమ్ పోలీసులు సంఘటన స్థలానికి చేరుకుని వివరాలు సేకరించారు. కేసు నమోదు చేసి దర్యాప్తు చేస్తున్నామని సిఐ తెలియజేశారు. మరోవైపు ఇది చెడ్డీగ్యాంగ్ పని అని సోషల్ మీడియాలో పోస్టులు రావడంతో చీమలపల్లి ప్రజలు భయభ్రాంతులకు గురవుతున్నారు.
|
|