క్రీడలతో సంపూర్ణ ఆరోగ్యం
Andhra Pradesh Telugu | Suryaa Desk | Published : Sat, Oct 29, 2022, 03:57 PM
క్రీడలతో సంపూర్ణ ఆరోగ్యం లభిస్తుందని జిల్లా ఎస్. పి కే. కే. ఎన్ అన్బురాజన్ పేర్కొన్నారు. కడప ఉమేష్ చంద్ర స్మారక కల్యాణమండపంలో ఇటీవల నూతన పెరేడ్ గ్రౌండ్ ఆవరణలో పోలీస్ సిబ్బందికి నిర్వహించిన షటిల్ బ్యాడ్మింటన్ టోర్నమెంట్ విజేతలకు జిల్లా ఎస్. పి శనివారం బహుమతులు అందచేశారు. ఈ సందర్బంగా జిల్లా ఎస్. పి మాట్లాడుతూ నిరంతరం విధుల్లో ఉండే పోలీసు సిబ్బందికి క్రీడల్లో పాల్గొనడం ద్వారా మానసికంగా, శారీరకంగా ధృడంగా ఉండేందుకు దోహదపడుతుందన్నారు.
కార్యక్రమంలో అదనపు ఎస్. పి (అడ్మిన్) తుషార్ డూడి, ఎ. ఆర్ డి. ఎస్. పి రమణయ్య, కడప డి. ఎస్. పి బి. వెంకట శివారెడ్డి, ఆర్. ఐ లు శ్రీనివాసులు, మహబూబ్ బాషా, జార్జ్, వీరేష్, సోమశేఖర్ నాయక్, ఆర్. ఎస్. ఐలు, పోలీస్ అధికారుల సంఘం జిల్లా అధ్యక్షుడు దూలం సురేష్, రాష్ట్ర ఉపాధ్యక్షుడు ఉప్పు శంకర్, జిల్లా ఉపాధ్యక్షుడు జగన్నాధ రెడ్డి, పోలీసు సిబ్బంది పాల్గొన్నారు.
|
|