టీ20 వరల్డ్ కప్‍:జింబాబ్వేపై గెలుపు... బోణి చేసిన నెదర్లాండ్స్...
sports | Suryaa Desk | Published : Wed, Nov 02, 2022, 01:22 PM
టీ20 ప్రపంచకప్ 2022లో భాగంగా అడిలైడ్ వేదికగా జరిగిన మ్యాచ్‌లో జింబాబ్వేపై నెదర్లాండ్స్ 5 వికెట్ల తేడాతో విజయం సాధించింది. ఈ మ్యాచ్‌లో తొలుత బ్యాటింగ్ చేసిన జింబాబ్వే 19.2 ఓవర్లలో 117 పరుగులకు ఆలౌటైంది. జింబాబ్వే ఆటగాళ్లలో సికిందర్ రజా టాప్ స్కోరర్. రజా 24 బంతుల్లో మూడు సిక్సర్లు, మూడు ఫోర్లతో 40 పరుగులు చేశాడు. సీన్ విలియమ్సన్ 23 బంతుల్లో 3 ఫోర్లతో 28 పరుగులు చేశాడు. మాధేవెరె 1, కెప్టెన్ క్రెయిగ్ ఎర్విన్ 3, వికెట్ కీపర్ చకబ్వా 5, మిల్టన్ శుంబా 2, ర్యాన్ బర్ల్ 2, ఎల్ జోంగ్వే 6, నగరవ 9, చతారా 6, ముజరబానీ 1 పరుగు చేశారు. నెదర్లాండ్స్ బౌలర్లలో వాన్ మీకెరెన్ 3 వికెట్లు తీయగా.. బ్రాండన్ గ్లోవర్, బాస్ డి లీడె రెండేసి 2 వికెట్లు తీశారు. 118 పరుగుల విజయ లక్ష్యంతో బరిలోకి దిగిన నెదర్లాండ్స్ 18 ఓవర్లలో ఐదు వికెట్లు కోల్పోయి 120 పరుగులు చేసి విజయం సాధించింది. మాక్స్ డౌడ్ హాఫ్ సెంచరీ చేశాడు. 47 బంతుల్లో ఒక సిక్స్, 8 ఫోర్లతో 52 పరుగులు చేశాడు. టామ్ కూపర్ 29 బంతుల్లో ఒక సిక్స్, రెండు ఫోర్లతో 32 పరుగులు చేశాడు. జింబాబ్వే బౌలర్లలో రిచర్డ్ నగరవా, ముజారబానీ దీవెనా మూడు వికెట్లు తీశారు.
|
|